കാസര്‍ഗോഡ്: നാഷണല്‍ ആയുഷ് മിഷന്‍ മള്‍ട്ടി-പര്‍പ്പസ് വര്‍ക്കര്‍ തസ്തികകളിലേക്കുള്ള ഒഴിവുകള്‍ നികത്തുന്നതുമായി ബന്ധപ്പെട്ട വിജ്ഞാപനം പുറപ്പെടുവിച്ചു.
നിശ്ചിത യോഗ്യതകളുള്ള ഉദ്യോഗാര്‍ത്ഥികളില്‍ നിന്ന് ഓണ്‍ലൈന്‍ അപേക്ഷകള്‍ ക്ഷണിക്കുന്നു. കാസര്‍ഗോഡ് ജില്ലയിലാണ് ഈ 4 മള്‍ട്ടി-പര്‍പ്പസ് വര്‍ക്കര്‍ തസ്തികകള്‍ ഉള്ളത്. യോഗ്യരായ ഉദ്യോഗാര്‍ത്ഥികള്‍ക്ക് ഒക്ടോബര്‍ 27, 29 തീയതികളില്‍ നാഷണല്‍ ആയുഷ് മിഷന്‍ നടത്തുന്ന അഭിമുഖത്തില്‍ പങ്കെടുക്കാവുന്നതാണ്.
കരാര്‍ അടിസ്ഥാനത്തിലുള്ള താല്‍ക്കാലിക നിയമനമാണിത്. മള്‍ട്ടി-പര്‍പ്പസ് വര്‍ക്കര്‍ (NCD ISM), മള്‍ട്ടി-പര്‍പ്പസ് വര്‍ക്കര്‍ (NPPMOMD) തസ്തികയിലേക്ക് ഒക്ടോബര്‍ 27 നാണ് അഭിമുഖം നടത്തുന്നത്. മള്‍ട്ടി-പര്‍പ്പസ് വര്‍ക്കര്‍ (ആയുര്‍കര്‍മ്മ) തസ്തികയിലേക്കുള്ള അഭിമുഖം ഒക്ടോബര്‍ 29 നാണ് നിശ്ചയിച്ചിരിക്കുന്നത്.
മള്‍ട്ടി-പര്‍പ്പസ് വര്‍ക്കര്‍ (NCD ISM)
ഈ തസ്തികയില്‍ ഒരു ഒഴിവാണ് ഉള്ളത്. തിരഞ്ഞെടുക്കപ്പെടുന്നവര്‍ക്ക് പ്രതിമാസം 10500 രൂപ ലഭിക്കും. അപേക്ഷകരുടെ പ്രായപരിധി 40 വയസാണ്. അപേക്ഷകര്‍ക്ക് അംഗീകൃത നഴ്‌സിംഗ് സ്‌കൂളില്‍ നിന്നുള്ള ജിഎന്‍എം നഴ്‌സിംഗ് യോഗ്യതയും, കേരള നഴ്‌സിംഗ് ആന്‍ഡ് മിഡ്വൈഫ് കൗണ്‍സില്‍ രജിസ്‌ട്രേഷനും ഉണ്ടായിരിക്കണം.
മള്‍ട്ടി-പര്‍പ്പസ് വര്‍ക്കര്‍ (ആയുര്‍കര്‍മ്മ)
ഈ തസ്തികയില്‍ ഒരു ഒഴിവാണ് ഉള്ളത്. തിരഞ്ഞെടുക്കപ്പെടുന്നവര്‍ക്ക് പ്രതിമാസം 17850 രൂപ ലഭിക്കും. അപേക്ഷകരുടെ പ്രായപരിധി 40 വയസാണ്. അപേക്ഷകര്‍ ഹയര്‍ സെക്കന്‍ഡറി വിജയിച്ചവരായിരിക്കം, കമ്പ്യൂട്ടര്‍ കഴിവുകള്‍, എംഎസ് ഓഫീസില്‍ അറിവ് എന്നിവ ഉണ്ടായിരിക്കണം.
തിരഞ്ഞെടുപ്പ് രീതി
നേരിട്ടുള്ള അഭിമുഖം വഴിയും അസ്സല്‍ സര്‍ട്ടിഫിക്കറ്റുകള്‍ പരിശോധിച്ചുമാണ് യോഗ്യരായ ഉദ്യോഗാര്‍ത്ഥികളുടെ തിരഞ്ഞെടുപ്പ് നടത്തുന്നത്. ഒരു തസ്തികയിലേക്ക് 20-ല്‍ കൂടുതല്‍ ഉദ്യോഗാര്‍ത്ഥികള്‍ ഉണ്ടെങ്കില്‍, അഭിമുഖത്തിന് മുന്‍പായി ഒരു എഴുത്തുപരീക്ഷയും നടത്തുന്നതാണ്. യോഗ്യരായ ഉദ്യോഗാര്‍ത്ഥികള്‍, നിശ്ചിത മാതൃകയിലുള്ള പൂരിപ്പിച്ച അപേക്ഷാ ഫോം, ബന്ധപ്പെട്ട രേഖകളുടെ സ്വയം സാക്ഷ്യപ്പെടുത്തിയ പകര്‍പ്പുകള്‍, കൂടാതെ പരിശോധനയ്ക്കായി അസ്സല്‍ രേഖകള്‍ എന്നിവ സഹിതം അഭിമുഖത്തിന് ഹാജരാകേണ്ടതാണ്.
അഭിമുഖം നടക്കുന്ന സ്ഥലവും തീയതിയും
ഡിപിഎംഎസ്‌യു കാസര്‍ഗോഡ്, ജില്ലാ ആയുര്‍വേദ ആശുപത്രി, എ ബ്ലോക്ക്, രണ്ടാം നില, പടന്നക്കാട് പിഒ., കാസര്‍ഗോഡ്, പിന്‍: 671315
മള്‍ട്ടി-പര്‍പ്പസ് വര്‍ക്കര്‍ (NCD ISM) : 2026 ഒക്ടോബര്‍ 27, ഉച്ചയ്ക്ക് 12:30-ന്
മള്‍ട്ടി-പര്‍പ്പസ് വര്‍ക്കര്‍ (NPPMOMD) : 2026 ഒക്ടോബര്‍ 27, രാവിലെ 10:30-ന്
മള്‍ട്ടി-പര്‍പ്പസ് വര്‍ക്കര്‍ (ആയുര്‍കര്‍മ്മ) : 2026 ഒക്ടോബര്‍ 29, രാവിലെ 10:00-ന്
വിവരങ്ങള്‍ക്ക് ബന്ധപ്പെടുക: 0467 2288106 (പ്രവൃത്തി സമയങ്ങളില്‍).
