കോഴിക്കോട്: സംസ്ഥാന സ്‌കൂള്‍ കായികമേളയില്‍ ഭക്ഷണത്തില്‍നിന്ന് പുഴുവിനെ ലഭിച്ചെന്ന ആരോപണത്തില്‍ വിശദീകരണവുമായി കായിക അധ്യാപകൻ ജിജോ ജെയിംസ്.
തനിക്ക് കിട്ടിയത് ജീവനുള്ള പുഴുവിനെയാണെന്ന് ആരാണ് പറഞ്ഞതെന്ന് അദ്ദേഹം കോഴിക്കോട് മാധ്യമങ്ങളോട് ചോദിച്ചു. ഞാൻ അങ്ങനെ പറഞ്ഞതിന്റെ ഒരു തെളിവും ആർക്കും കാണിക്കാൻ പറ്റില്ല. താൻ അന്ന് പ്രതികരിച്ചത് ശരിയോ തെറ്റോ എന്ന് കോടതി തീരുമാനിക്കട്ടെയെന്നും ജിജോ പറഞ്ഞു. കോടതിയിലും ഡിപ്പാർട്ട്‌മെന്റിലും വിശ്വാസമുണ്ട്.
സത്യം പുറത്തുവരേണ്ടത് തന്റെകൂടി ആവശ്യമാണ്. പെരുമ്പാവൂരിലെ ഒരു ചെറിയ സ്‌കൂളില്‍നിന്നാണ് വലിയൊരു കായികമേളയ്ക്ക് നിരവധി വിദ്യാർഥികളുമായി എത്തിയത്. അത് ചെറിയ കാര്യമല്ല. ഞങ്ങള്‍ക്ക് ഒൻപത് പോയിന്റ് ലഭിച്ചു.
പക്ഷേ, ആ നേട്ടത്തില്‍ അഭിമാനത്തോടെ തല ഉയർത്തി മടങ്ങാനായില്ല.എനിക്കും കുടുംബത്തിനും മാനസിക വ്യഥയും വലിയ നഷ്ടവുമുണ്ടായി.എനിക്കും കുടുംബത്തിനും മാനസിക വ്യഥയും വലിയ നഷ്ടവുമുണ്ടായി. ഇതിനൊക്കെ ആര് മറുപടി പറയും? അതുകൊണ്ടുതന്നെ സത്യം പുറത്തുവരിക മാത്രമാണ് തനിക്ക് തന്റെ നിരപരാധിത്വം എല്ലാവരുടെയും മുന്നില്‍ തെളിയിക്കാനുള്ള വഴിയെന്നും ജിജോ പ്രതികരിച്ചു.ഗൂഢാലോചന നടത്തിയെന്നാണ് പറയുന്നത്. ആരാണ് ഗൂഢാലോചന നടത്തിയതെന്ന് തെളിയട്ടെ.
എന്റെ ഫോണ്‍ അടക്കം പോലീസിന്റെ കയ്യിലുണ്ട്. അത് പരിശോധിക്കട്ടെയെന്നും ജിജോ പറഞ്ഞു.
