കോട്ടയം: ഐപ്സോ നേതൃത്വത്തിൽ അന്താരാഷ്ട്ര സമാധാന ദിനാചരണ സമ്മേളനം സെപ്തംബർ 21 അന്താരാഷ്ട്ര സമാധാന ദിനമായി ഐക്യരാഷ്ട്രസഭ ആചരിക്കുകയാണ്.
1982 മുതലാണ് ഐക്യരാഷ്ട്ര സഭയിലുള്ള ലോകരാഷ്ട്രങ്ങൾ യുദ്ധത്തിനെതിരെ സമാധാനത്തിൻ്റെ സന്ദേശവുമായി സമാധാന ദിനാചരണം നടത്തുന്നത്.
2026 അന്താരാഷ്ട്ര സമാധാന ദിനത്തിൻ്റെ സന്ദേശം യുദ്ധമില്ലാത്ത അവസ്ഥയ്ക്കപ്പുറം സമൂഹത്തിൽ സുരക്ഷയും അന്തസ്സും പരസ്പര സഹകരണവും ഉറപ്പാക്കുക എന്നതാണ്.സർക്കാരുകൾക്ക് പുറമേ ഓരോ വ്യക്തിക്കും സമാധാന നിർമ്മിതിയിൽപങ്കുണ്ടെന്ന് ഈ ദിനാചരണം നമ്മെ ഓർമ്മിപ്പിക്കുന്നു.
വേൾഡ് പീസ് കൗൺസിലിൻ്റെ ഇന്ത്യൻ ചാപ്റ്ററായ ഐപ്സോ നേതൃത്വത്തിൽ കോട്ടയത്ത് തിരുനക്കരയിൽ നടന്ന യുദ്ധവിരുദ്ധ സംഗമം കെ.സുരേഷ് കുറുപ്പ് ഉദ്ഘാടനം ചെയ്തു.
ഐപ്സോ സംസ്ഥാന ജനറൽ സെക്രട്ടറി അഡ്വ.വി.ബി ബിനു മുഖ്യ പ്രഭാഷണം നടത്തി.ഐപ്സോ ജില്ലാ പ്രസീഡിയം അംഗം ഡോ.എ. ജോസിൻ്റെ അദ്ധ്യക്ഷതയിൽ കുടിയ സംഗമത്തിൽ ഐപ്സോ നേതാക്കളായ ബൈജു വയലത്ത് അഡ്വ.കെ.ആർ ശ്രീനിവാസൻ ബി അശോക് പി.കെ ആനന്ദകുട്ടൻ അഡ്വ.ജിതേഷ് ബാബു കെ.എസ് സജീവ് എ. കെ. അർച്ചനടീച്ചർ പി.ആർ ബേബി പി.യു തോമസ് കെ.ഗോപാലാകൃഷ്ണൻ കെ.ബാലചന്ദ്രൻ തുടങ്ങിയവർ സംസാരിച്ചു.
