കൊച്ചി: സൂപ്പർ ലീഗ് കേരളയുടെ മൂന്നാം സീസണിന് സെപ്റ്റംബർ 25-ന് തുടക്കമാകും.
ലീഗിന്റെ പുതിയ സംപ്രേഷണ പങ്കാളിത്തം, പുതിയ ട്രോഫി, മത്സരക്രമത്തിലെ മാറ്റങ്ങൾ എന്നിവയുടെ വിവരങ്ങൾ ലീഗ് അധികൃതർ പുറത്തുവിട്ടു.
മത്സരങ്ങളുടെ ആവേശം വർധിപ്പിക്കുന്നതിനായി ലീഗ് ഘട്ടത്തിൽ പോയിന്റ് പട്ടികയിൽ ഒന്നാമതെത്തുന്ന ടീമിന് സമ്മാനിക്കുന്നതിനായി
'സുപ്പർ ലീഗ് കേരള ഷീൽഡ്' എന്ന പേരിൽ പുതിയൊരു ട്രോഫി കൂടി ഈ സീസണിൽ അവതരിച്ചു.
പോയിന്റ് പട്ടികയിൽ ഒന്നാം സ്ഥാനത്ത് എത്തുന്ന ടീമിനെ ആദരിക്കുന്ന എസ്എൽകെ ഷീൽഡ് അവതരിപ്പിക്കുന്നതിലൂടെ ലീഗ് മത്സരങ്ങൾക്ക് കൂടുതൽ വാശിയും വീറും കൈവരും.
ക്ലബ്ബുകൾക്കും ആരാധകർക്കുമായി നിലവാരം ഉയർത്തുന്ന ഒന്നായിരിക്കും മൂന്നാം സീസണെന്ന് എസ്എൽകെ ഡയറക്ടർ മാത്യു ജോസഫും എംഡി ഫിറോസ് മീരാരും അറിയിച്ചു.
