ഓക്‌ലൻഡ്: ന്യൂസിലൻഡ് മണ്ണിലെ തങ്ങളുടെ ആദ്യ അന്താരാഷ്ട്ര ഫുട്ബോള്‍ മത്സരത്തില്‍ ഇന്ത്യക്ക് ദയനീയ തോല്‍വി.
നവംബറിലെ ഫിഫ വിൻഡോയിലെ ആദ്യ സൗഹൃദ മത്സരത്തില്‍ ആതിഥേയരായ ന്യൂസിലൻഡ് എതിരില്ലാത്ത അഞ്ച് ഗോളുകള്‍ക്കാണ് ഇന്ത്യയെ തകർത്തത്.
ന്യൂസിലൻഡിനായി ജെസ്സെ റാൻഡല്‍ ഇരട്ട ഗോളുകള്‍ നേടിയപ്പോള്‍ ക്രിസ് വുഡ്, ലാക്ലാൻ ബെയ്‌ലിസ് എന്നിവരും ലക്ഷ്യം കണ്ടു. മലയാളി താരം ബിജോയ് വർഗീസിന്‍റെ സെല്‍ഫ് ഗോളാണ് ന്യൂസിലൻഡിന് തുടക്കത്തില്‍ ലീഡ് സമ്മാനിച്ചത്. അഞ്ച് ഗോളിന്‍റെ കനത്ത തോല്‍വി വഴങ്ങിയെങ്കിലും പെനാല്‍റ്റി രക്ഷപ്പെടുത്തിയതുള്‍പ്പെടെ തകർപ്പൻ സേവുകളുമായി തിളങ്ങിയ ഗോള്‍കീപ്പർ വിശാല്‍ കെയ്ത്തിന്‍റെ പ്രകടനം ഇന്ത്യയ്ക്ക് ആശ്വാസമായി.
