ഇടുക്കി: ഇടുക്കി മൂന്നാർ പോത്തമീട്ടിൽ തോട്ടം മേൽനോട്ടക്കാരന്റെ ഓട്ടോറിക്ഷ അജ്ഞാതർ തീവെച്ച് നശിപ്പിച്ചു.
തോട്ടം മേൽനോട്ടക്കാരനായ രവി ആന്റണിയുടെ ഓട്ടോറിക്ഷയാണ് ആക്രമണത്തിൽ പൂർണമായും കത്തിനശിച്ചത്.
തോട്ടവുമായി ബന്ധപ്പെട്ട തർക്കത്തിന്റെ തുടർച്ചയായാണ് ആക്രമണമെന്നാണ് പരാതി.
തോട്ടത്തിന്റെ മേൽനോട്ട ചുമതല നിർവഹിക്കുന്ന രവി ആന്റണിയോട് നേരത്തെ തന്നെ വൈരാഗ്യമുണ്ടായിരുന്ന ആരോ ആണ് സംഭവത്തിന് പിന്നിലെന്നാണ് പോലീസിന്റെ പ്രാഥമിക നിഗമനം.
മേൽനോട്ടത്തിന്റെ ഭാഗമായി താമസിക്കുന്ന വാടകവീട്ടിന് മുന്നിൽ പാർക്ക് ചെയ്തിരുന്ന ഓട്ടോറിക്ഷയിലാണ് രാത്രിയിൽ അജ്ഞാതർ തീയിട്ടത്.
തീപിടിത്തത്തിൽ ഓട്ടോറിക്ഷ പൂർണമായും കത്തിനശിച്ചു.
സംഭവത്തിൽ പോലീസ് കേസെടുത്ത് അന്വേഷണം ആരംഭിച്ചു.
പ്രതികളെ ഉടൻ കണ്ടെത്താനാകുമെന്നാണ് അന്വേഷണ സംഘം പ്രതീക്ഷിക്കുന്നത്..
