കരിങ്കുന്നം: കരിങ്കുന്നം പഞ്ചായത്ത് പ്രദേശങ്ങൾ പാറമടകളും പ്ലൈവുഡ് ഫാക്ടറികളും കൈയടക്കുന്നു.
കരിങ്കുന്നം ഒറ്റല്ലൂരിൽ പ്ലൈവുഡ് ഫാക്ടറി ആരംഭിക്കാനുള്ള നീക്കം അവസാനിപ്പിക്കണമെന്ന് കേരള കോൺഗ്രസ് (എം ) മണ്ഡലം കമ്മിറ്റി.
നിയോജകമണ്ഡലം പ്രസിഡന്റ് ജിമ്മി മറ്റത്തിപ്പാറ യോഗം ഉദ്ഘാടനം ചെയ്തു.
യാതൊരു പാരിസ്ഥിതിക പഠനവും നടത്താതെ പഞ്ചായത്തിൽ വിഷലിപ്തവും വിനാശകരവുമായ പ്ലൈവുഡ് ഫാക്ടറികൾക്ക്
പ്രവർത്തിക്കാൻ സൗകര്യമൊരുക്കി കൊടുക്കുന്ന അധികാരികൾക്കെതിരെയുംഓഫീസുകൾക്കെതിരെയും നിയമനടപടികൾ സ്വീകരിക്കുമെന്നും അദ്ദേഹം പറഞ്ഞു.
ജനപ്രതിനിധികൾക്കും രാഷ്ട്രീയപാർട്ടികൾക്കും ഉത്തരവാദിത്വത്തിൽ നിന്ന് ഒഴിഞ്ഞുമാറാനാവില്ല.
കരിങ്കുന്നം പഞ്ചായത്ത് പ്രദേശങ്ങൾ പാറമടകളും പ്ലൈവുഡ് ഫാക്ടറികളും കൈയടക്കുമ്പോൾ കാണാതിരിക്കാൻ പാർട്ടിക്ക് കഴിയില്ലെന്നും ജിമ്മി പറഞ്ഞു.
മണ്ഡലം പ്രസിഡന്റ് ബേബി എടത്തിൽ അദ്ധ്യക്ഷത വഹിച്ച യോഗത്തിൽ അഡ്വ. ബിനു തോട്ടുങ്കൽ, ബെന്നി വാഴചാരിക്കൽ, എ.ജെ.
ജോൺസൺ, ബാബു ചൊള്ളാനി, ഷാനി ബെന്നി, സ്റ്റീഫൻ ചേരിയിൽ, ബേബി ആലുങ്കൽ, ബിജു ജോൺ,
ജോസഫ് പനംതാനംപറമ്പിൽ, സ്റ്റീഫൻ പുറമഠത്തിൽ, ജെയ്സൺ കട്ടക്കയം, എബിറ്റ് മാത്യു എന്നിവർ പ്രസംഗിച്ചു.






