ഇടുക്കി: ഔദ്യോഗിക വാഹനത്തിൽ മദ്യപിച്ചതിന് സസ്പെൻഷനിലായ ഇടുക്കി കരിമണ്ണൂർ സ്റ്റേഷനിലെ മുൻ എസ്.ഐ എൻ.എസ്. റോയിക്ക് ഇൻസ്പെക്ടറായി സ്ഥാനക്കയറ്റം.
സ്ഥാനക്കയറ്റം നൽകിയതിൽ ഗുരുതര വീഴ്ച.
കഴിഞ്ഞ ദിവസം പുറത്തിറക്കിയ പോലീസ് ഉദ്യോഗസ്ഥരുടെ പ്രൊമോഷൻ പട്ടികയിലാണ് 43-ാം പേരുകാരനായി റോയി ഇടംപിടിച്ചത്.
ഉദ്യോഗസ്ഥനെതിരെ അച്ചടക്ക നടപടികളൊന്നും നിലവിലില്ലെന്ന് ഇടുക്കി ജില്ലാ പോലീസ് മേധാവി (SP) നൽകിയ റിപ്പോർട്ടിന്റെ അടിസ്ഥാനത്തിലാണ് സസ്പെൻഷനിലുള്ള ഉദ്യോഗസ്ഥൻ സ്ഥാനക്കയറ്റ പട്ടികയിൽ കടന്നുകൂടിയത്.
പോലീസിന് വലിയ നാണക്കേടുണ്ടാക്കിയ ഈ ഗുരുതര വീഴ്ചയിൽ സംസ്ഥാന പോലീസ് മേധാവി, ഇടുക്കി എസ്.പിയിൽ നിന്ന് അടിയന്തര വിശദീകരണം തേടും.
