ഇടുക്കി: ഇടുക്കിയില് നീരൊഴുക്ക് ശക്തമായ സാഹചര്യത്തില് നാല് അണക്കെട്ടുകള് തുറന്നു. കല്ലാര്കുട്ടി, കല്ലാര് , പാംബ്ല , മലങ്കര ഡാമുകളാണ് തുറന്നത്.
ഇടുക്കിയിലെ പ്രധാനപ്പെട്ട ഡാമുകളിലെ ജലനിരപ്പ് ഉയരുകയാണ്. ഇടുക്കി അണക്കെട്ടില് ഇന്നലെ ഒറ്റ ദിവസം കൂടിയത് 9 അടി വെള്ളമാണ്. 2339.62 അടിക്ക് മുകളിലാണ് ജലനിരപ്പ് . കഴിഞ്ഞവര്ഷം ഇതേസമയം 2376.20 അടിയായിരുന്നു. മുല്ലപ്പെരിയാര് അണക്കെട്ടിലെ ജലനിരപ്പ് 116.7 അടി മാത്രമാണ്.
ടൂറിസം കേന്ദ്രങ്ങളിലേക്ക് പ്രവേശന വിലക്കും രാത്രി യാത്ര നിരോധനം തുടരുകയാണ്. കുമളി പൂപ്പാറ സംസ്ഥാന പാതയില് പുളിയന്മലക്ക് സമീപം വീണ മരം മുറിച്ചു നീക്കുന്ന പണികള് അവസാന ഘട്ടത്തിലാണ്. മലയോര മേഖലകളില് മണ്ണിടിച്ചില് ഭീഷണി നിലനില്ക്കുന്ന സാഹചര്യത്തില് അലര്ട്ട് തുടരുകയാണ്. കല്ലാര്കുട്ടി, കല്ലാര് , പാംബ്ല , മലങ്കര ഡാമുകള് തുറന്ന് വെള്ളം ഒഴുക്കുന്നു. വിനോദ സഞ്ചാര കേന്ദ്രങ്ങളിലേക്ക് പ്രവേശനം ഇല്ല .രാത്രി യാത്ര നിരോധനവും തുടരുന്നു. പല ഇടങ്ങളിലും ശക്തമായ കാറ്റ് വീശി. ഇടുക്കിയില് ഇന്നലെ മാത്രം 14 വീടുകള് തകര്ന്നു. 7 ദുരിതാശ്വാസ ക്യാമ്പുകളിലായി 101 പേരാണ് ഉള്ളത്.
