തിരുവനന്തപുരം : മഴക്കെടുതിയെ തുടര്ന്ന് സംസ്ഥാനത്തെ 5 താലൂക്കുകളില് പ്രൊഫഷണല് കോളേജുകള് ഉള്പ്പടെയുള്ള വിദ്യാഭ്യാസ സ്ഥാപനങ്ങള്ക്ക് നാളെ അവധി പ്രഖ്യാപിച്ചു. പത്തനംതിട്ട ജില്ലയിലെ തിരുവല്ല, ആലപ്പുഴ ജില്ലയിലെ കുട്ടനാട്, ചെങ്ങന്നൂര്, കാര്ത്തികപ്പള്ളി, കോട്ടയം ജില്ലയിലെ കോട്ടയം താലൂക്കുകളിലാണ് അവധി.
കൂടാതെ പത്തനംതിട്ട, ആലപ്പുഴ, കോട്ടയം, ഇടുക്കി, കോഴിക്കോട് ജില്ലകളില് ദുരിതാശ്വാസ ക്യാമ്പുകള് പ്രവര്ത്തിക്കുന്ന സ്ഥാപനങ്ങള്ക്കും അവധിയുണ്ട്. സംസ്ഥാനത്ത് കാലവര്ഷക്കെടുതിയില് കഴിഞ്ഞ അഞ്ച് ദിവസത്തിനിടെ 26 പേര്ക്കാണ് ജീവന് നഷ്ടമായത്. നാല് പേരെ കാണാനില്ല.
അതേസമയം ദുരിത ബാധിതര്ക്കുള്ള ധനസഹായം മുഖ്യമന്ത്രി പ്രഖ്യാപിച്ചു. മരിച്ചവരുടെ കുടുംബാംഗങ്ങള്ക്ക് എട്ട് ലക്ഷം രൂപയും വീടുകള് നഷ്ടമായവര്ക്ക് ആറ് ലക്ഷം രൂപയും, വീടും സ്ഥലവും നഷ്ടമായവര്ക്ക് പന്ത്രണ്ട് ലക്ഷം രൂപയുമാണ് സഹായധനം. 67.44 കോടി രൂപയുടെ നഷ്ടമാണ് ആകെയുണ്ടായത്.
