തിരുവനന്തപുരം: സർക്കാർ ആശുപത്രികളിലെ പേ വാർഡ് സൗകര്യം ഇനി വരുമാന പരിധിയുടെ അടിസ്ഥാനത്തിലായിരിക്കില്ല. വരുമാനം പരിഗണിക്കാതെ എല്ലാ രോഗികള്ക്കും പേ വാർഡുകളില് ചികിത്സാ സൗകര്യം ലഭ്യമാക്കാൻ ആരോഗ്യമന്ത്രി കെ. മുരളീധരൻ നിർദേശം നല്കി. നിലവില്, കേരള ഹെല്ത്ത് റിസർച്ച് ആൻഡ് വെല്ഫെയർ സൊസൈറ്റിയുടെ (KHRWS) കീഴിലുള്ള പേ വാർഡുകള് ഉള്പ്പെടെ, സർക്കാർ ആശുപത്രികളില് കിടത്തി ചികിത്സയ്ക്കായുള്ള പേ വാർഡ് പ്രവേശനം വരുമാന പരിധിക്ക് വിധേയമാണ്. ഇതുമൂലം ഈ സൗകര്യങ്ങള് ഉപയോഗപ്പെടുത്തുന്നതില് നിയന്ത്രണമുണ്ട്.
ഇനിമുതല്, KHRWS-ന് കീഴിലുള്ള പേ വാർഡുകള് ഉള്പ്പെടെ എല്ലാ സർക്കാർ ആശുപത്രികളിലെയും പേ വാർഡുകള്, വരുമാന പരിധി ബാധകമല്ലാതെ, റൂമുകളുടെ ലഭ്യതയ്ക്കും നിർദ്ദിഷ്ട ഫീസ് അടയ്ക്കുന്നതിനും വിധേയമായി എല്ലാ രോഗികള്ക്കും കിടത്തി ചികിത്സയ്ക്കായി ലഭ്യമാക്കും.
തീരുമാനം ഉടനടി നടപ്പിലാക്കുന്നതിനായി പ്രിൻസിപ്പല് സെക്രട്ടറി (ആരോഗ്യം) പരിശോധന നടത്തി ഉത്തരവുകള് പുറപ്പെടുവിക്കേണ്ടതാണെന്നും അറിയിച്ചു.
