തിരുവനന്തപുരം: മുഖ്യതെരഞ്ഞെടുപ്പ് കമ്മീഷണർ ഗ്യാനേഷ് കുമാറിനെതിരായ പുനരന്വേഷണത്തില്‍ പ്രാഥമിക നടപടികള്‍ തുടങ്ങാൻ വിജിലൻസ്.
പരാതി ആഭ്യന്തര മന്ത്രിയുടെ ഓഫീസ് വിജിലൻസ് ഡയറക്ടറേറ്റിന് കൈമാറി. കെഎസ്ടിപി അഴിമതി ആരോപണത്തിലും പതിബെല്‍ മാനേജറുടെ ആത്മഹത്യയിലും വിശദപരിശോധന നടക്കും.
20 വർഷം മുൻപുള്ള കേസില്‍ നിയമവശം പരിശോധിച്ച്‌ കരുതലോടെയാണ് നീക്കം. ഇന്നലെയാണ് ഗ്യാനേഷ് കുമാറിനെതിരെ വിജിലൻസ് അന്വേഷണത്തിന് ആഭ്യന്തരമന്ത്രി ഉത്തരവിട്ടത്.
20 വർഷം മുമ്പ് പിഡബ്ല്യുഡി സെക്രട്ടറിയായിരിക്കെ കെഎസ്ടിപി കരാറിലുണ്ടായ അഴിമതിയിലും കരാർ ലഭിച്ച മലേഷ്യൻ കമ്പനിയുടെ ചീഫ് എഞ്ചിനീയറുടെ ആത്മഹത്യയിലുമാണ് പുനരന്വേഷണം.
തെരഞ്ഞെടുപ്പ് അട്ടിമറിയില്‍ ഗ്യാനേഷ് കുമാറിനറെ രാജിക്കായി പ്രതിപക്ഷപാർട്ടികള്‍ രാജ്യവ്യാപക പ്രക്ഷോഭം നടത്തുമ്പോഴാണ് കേരളത്തില്‍ അന്വേഷണം നടക്കുന്നത്.
