തിരുവനന്തപുരം: വെജിറ്റേറിയൻ ഭക്ഷണ വിവാദത്തില്‍ വിശദീകരണവുമായി ലോക്ഭവൻ.
ലോക് ഭവൻ ജീവനക്കാർക്ക് നോണ്‍ വെജ് ഭക്ഷണത്തിനു വിലക്കില്ലെന്നാണ് വിശദീകരണം.
ഗവർണർ സസ്യാഹാരി ആയതിനാല്‍ അദ്ദേഹത്തിന് ഭക്ഷണം ഒരുക്കുന്ന അടുക്കളയില്‍ മാത്രമാണ് വെജ് എന്നും ലോക് ഭവൻ വ്യക്തമാക്കുന്നു.
വിവാദങ്ങളുടെ പശ്ചാത്തലത്തില്‍ ആണ് ലോക് ഭവൻ വിശദീകരണവുമായി രംഗത്തെത്തിയിരിക്കുന്നത്. ഗവർണർ ചുമതല ഏല്‍ക്കും മുൻപ് നല്‍കിയ നിർദേശം തെറ്റായ രീതിയില്‍ വ്യാഖ്യാനിക്കപ്പെട്ടന്നും ലോക്ഭവൻ ചൂണ്ടിക്കാട്ടുന്നു.
