ഡൽഹി: വിമാനത്തില് ഇരുമുടിക്കെട്ടിന് അനുമതി നല്കി വ്യോമയാന മന്ത്രാലയം.
അയ്യപ്പഭക്തർക്ക് ഇരുമുടിക്കെട്ട് വിമാനത്തിന്റെ ക്യാബിനില് കൊണ്ടുപോകാനാണ് അനുമതി നല്കിയിരിക്കുന്നത്.
തുടർച്ചയായ മൂന്നാം വർഷവും അനുമതി നീട്ടി നല്കി. ബിസിഎഎസ് (BCAS), സിഐഎസ്എഫ് (CISF), വിമാനത്താവള അധികൃതർക്ക് നിർദേശം നല്കി.
തീർഥാടകർക്ക് യാത്രയില് തടസ്സമില്ലെന്ന് ഉറപ്പാക്കാനും നിർദേശം നല്കിയിട്ടുണ്ട്.
ശബരിമലയില് കഴിഞ്ഞ ദിവസങ്ങളെ അപേക്ഷിച്ച് ഇന്നലെ മുതല് തീർത്ഥാടകരുടെ എണ്ണം കൂടി. ഇന്നലെ നാല് മണിവരെ നാല്പ്പത്തിയാറായിരം പേരാണ് മലചവിട്ടിയത്.
എന്നാല് വിർച്വല് ക്യൂ ബുക്കിങും തീർത്ഥാടനത്തിന് എത്തുന്നവരുടെ എണ്ണവും തമ്മിലുള്ള വ്യത്യാസത്തില് അന്വേഷണം തുടരുകയാണ്. ബുക്ക് ചെയ്ത ദിവസം തന്നെ തീർത്ഥാടനത്തിന് എത്താൻ ഭക്തർ ശ്രമിക്കണമെന്ന് ശബരിമല എഡിഎം അഭ്യർത്ഥിച്ചു.






