തിരുവനന്തപുരം: എക്സൈസ് കമ്മീഷണർ സാംബശിവറാവുവിനെ മാറ്റിയ നടപടിയില്‍ പ്രതികരവുമായി മന്ത്രി എം. ലിജു.
കഴിഞ്ഞ ദിവസം 35 ഓളം ഉദ്യോഗസ്ഥന്മാർ മാറിയെന്നും ഉദ്യോഗസ്ഥർ മാറുന്നത് ആദ്യത്തെ സംഭവമല്ലെന്നും എം ലിജു പറഞ്ഞു.
ഇന്ന് 36 -ാമത്തെ ആള്‍മാറി എന്നേയുള്ളൂ. എല്ലാം നേരത്തെ വിശദീകരിച്ചതാണ്. സർക്കാരിൻ്റെ നയം വ്യക്തമാണ്. എല്‍ഡിഎഫ് കാലത്തെന്ന് പറഞ്ഞത് FL 3 യുടെ കാര്യമാണെന്നും FL 7 ൻ്റെ കാര്യത്തില്‍ താൻ അങ്ങനെ ഒരു പരാമർശം നടത്തിയിട്ടില്ലെന്നും എം. ലിജു പറഞ്ഞു.
വർഷങ്ങളായി അടഞ്ഞു കിടക്കുന്ന ഒരു ബാർ വൈൻ പാർലറായി പ്രവർത്തിക്കുന്നു. അത് ഒരു അപേക്ഷ കൊടുത്താല്‍ ബാറായി മാറുന്നു. അത് ശരിയല്ല.
അഴിമതി നടത്തുന്ന ഉദ്യോഗസ്ഥർക്കെതിരെ നടപടി സ്വീകരിക്കുന്ന സർക്കാരാണ് ഇവിടെയുള്ളതെന്നും ലിജു പറഞ്ഞു.
ബാർ ലൈസൻസ് അനുമതി വിവാദത്തിനിടെയാണ് എക്സൈസ് കമ്മീഷണർ സീറാം സാംബശിവ റാവുവിനെ മാറ്റിയത്. എക്സൈസ് മന്ത്രി അറിയാതെ ബാറുകള്‍ക്ക് ലൈസൻസ് നല്‍കിയതും ഉദ്യോഗസ്ഥരെ ന്യായീകരിച്ചതുമാണ് മാറ്റത്തിൻ്റെ കാരണം.
എന്നാല്‍ റാവുവിൻ്റെത് സ്വാഭാവിക മാറ്റമെന്നാണ് എം ലിജുവിൻ്റെ വിശദീകരണം.
