ഏറ്റുമാനൂർ: ഏഴരപ്പൊന്നാനയുടെ നാട് ഇന്ന് അമ്പാടിയാകും. ഉണ്ണിക്കണ്ണന്മാരും ഗോപികമാരും ക്ഷേത്ര നഗരി കീഴടക്കും.
ഇന്ന് വൈകിട്ട് 4ന് അന്തിമഹാകാളൻകാവ്, മാരിയമ്മൻ കോവില്, വള്ളിക്കാട്,ഊറ്റക്കുഴി, നേതാജി നഗർ,ചൂരക്കുളങ്ങര തുടങ്ങിയ സ്ഥലങ്ങളില് നിന്ന് പുറപ്പെടുന്ന ചെറുശോഭായാത്രകള് പേരൂർക്കവലയില് സംഗമിച്ച് മഹാശോഭാ യാത്രയായി ക്ഷേത്ര മൈതാനിയിലേക്ക് നീങ്ങും.
മഹാശോഭായാത്ര ക്ഷേത്ര സങ്കേതത്തില് എത്തുന്നതോടെ ഉറിയടി നടക്കും. ശ്രീകൃഷ്ണജയന്തിയോടനുബന്ധിച്ചു മാന്നാനം, ഓണംതുരുത്ത്, ചാലാപ്പള്ളി, പേരൂർ, കിടങ്ങൂർ, കാണക്കാരി, തിരുവഞ്ചൂർ എന്നിവിടങ്ങളിലും ശോഭായാത്രകള് നടക്കും. സപ്താഹയജ്ഞം ഇന്ന് സമാപിക്കും
