തലശ്ശേരി: 61-ാമത് ഓള് ഏജ് ഗ്രൂപ്പ് റിത്മിക് & ട്രാംപോളിൻ ജിംനാസ്റ്റിക്സ് സംസ്ഥാന ചാമ്പ്യൻഷിപ്പില് 2026-27ല് എറണാകുളം ബാള്ട്ടർ ജിംനാസ്റ്റിക്സ് അക്കാദമിയിലെ താരങ്ങള് 11 സ്വർണവും 11 വെള്ളിയും 12 വെങ്കലവും ഉള്പ്പെടെ ആകെ 34 മെഡലുകള് നേടി മികച്ച നേട്ടം കൈവരിച്ചു.
എറണാകുളം ജില്ലയെ പ്രതിനിധീകരിച്ച ബാള്ട്ടർ താരങ്ങളുടെ ഈ മെഡല് നേട്ടം എറണാകുളത്തിന് റിത്മിക് ജിംനാസ്റ്റിക്സ് ചാമ്പ്യൻഷിപ്പ് കിരീടം നേടുന്നതില് നിർണായകമായി. ഇതിന് പുറമെ, ബാള്ട്ടറിലെ ആറ് താരങ്ങള് വരാനിരിക്കുന്ന ഓള് ഏജ് ഗ്രൂപ്പ് റിത്മിക് ജിംനാസ്റ്റിക്സ് ദേശീയ ചാമ്പ്യൻഷിപ്പിനുള്ള കേരള ടീമിലേക്ക് തിരഞ്ഞെടുക്കപ്പെട്ടു.
കേഡറ്റ് വിഭാഗത്തിലെ ഫ്രീഹാൻഡ്, ഹൂപ്പ്, ബോള് ഇനങ്ങളില് എവലിൻ അന്ന പോള് 2 സ്വർണവും 2 വെള്ളിയും നേടി. ജോആൻ ജിജോ 2 വെള്ളി, കെയ്ലിൻ ലിയാന ജോസഫ് 3 വെങ്കലം, ആമി മിഥുല് മോഹൻ 2 വെള്ളി, അഗിനിഷിക 1 വെങ്കലം എന്നിവ നേടി.
സബ് ജൂനിയർ വിഭാഗത്തിലെ ഹൂപ്പ്, ബോള്, ക്ലബ്സ്, റിബണ് ഇനങ്ങളില് ശ്രുതി മഹാദേവ് 4 സ്വർണ മെഡലുകള് നേടി. ഡിയാന ഡെയ്ല് 1 സ്വർണവും 3 വെള്ളിയും, ഇഷിത സജീഷ് 1 വെള്ളിയും 3 വെങ്കലവും, അന്ന തുറക്കല് 2 വെങ്കല മെഡലുകളും നേടി.
ജൂനിയർ വിഭാഗത്തില്, അദിതി അരുണ് പിള്ള 4 സ്വർണ മെഡലുകള് നേടി മികച്ച പ്രകടനം കാഴ്ചവെച്ചപ്പോള് അദ്വിക വകുറെ 3 വെള്ളി മെഡലുകള് സ്വന്തമാക്കി.
ജൂനിയർ വിഭാഗത്തില് അദിതി അരുണ് പിള്ള, അദ്വിക വകുറെ എന്നിവരും സബ് ജൂനിയർ വിഭാഗത്തില് ശ്രുതി മഹാദേവ്, ഡിയാന ഡെയ്ല്, ഇഷിത സജീഷ്, അന്ന തുറക്കല് എന്നിവരുമാണ് കേരള ടീമിലേക്ക് തിരഞ്ഞെടുക്കപ്പെട്ടത്.
FIG ഇന്റർനാഷണല് റിതമിക് ജിംനാസ്റ്റിക്സ് ജഡ്ജും ജിംനാസ്റ്റിക്സ് ഫെഡറേഷൻ ഓഫ് ഇന്ത്യ (GFI) ടെക്നിക്കല് കമ്മിറ്റി അംഗവുമായ ജസ്നിയ പി. പി. യുടെ നേതൃത്വത്തിലാണ് ബാള്ട്ടർ ജിംനാസ്റ്റിക്സ് അക്കാദമിയിലെ താരങ്ങള് പരിശീലനം നേടുന്നത്. പുണ്യ കെ., നന്ദന ഗോവിന്ദ്, ഷിജിൻ ബാബു എന്നിവരാണ് അക്കാദമിയിലെ മറ്റു പരിശീലകർ.
