കോട്ടയം : കോട്ടയത്ത് എംപ്ലോയബിലിറ്റി സെന്ററിന്റെ ആഭിമുഖ്യത്തിൽ 400ലധികം ഒഴിവുകളിലേക്ക് ഉദ്യോഗാർത്ഥികളെ നിയമിക്കുന്നു. സെപ്റ്റംബർ 10ആം തീയതി രാവിലെ 10 മണിക്കാണ് അഭിമുഖം നടക്കുന്നത്. കോട്ടയം കളക്ടറേറ്റിലെ എംപ്ലോയബിലിറ്റി സെന്ററിൽ വച്ചാണ് അഭിമുഖം സംഘടിപ്പിക്കുന്നത്.
യൂണീക് എനർജി, പ്രൈമസി ഇൻ ഹോം കെയർ പ്രൈവറ്റ് ലിമിറ്റഡ്, സൈബക്സൽ, എസ്ബിഐ ലൈഫ് ഇൻഷുറൻസ് എന്നീ സ്ഥാപനങ്ങളിലേക്കാണ് ഉദ്യോഗാർത്ഥികളെ നിയമിക്കുന്നത്. എസ്എസ്എൽസി, പ്ലസ് ടു, ഡിഗ്രി, ജിഡിഎ, എഎൻഎം, ജിഎൻഎം, എംബിഎ എന്നിവയാണ് വിദ്യാഭ്യാസ യോഗ്യതകൾ. 50 വയസ് വരെയുള്ള ഉദ്യോഗാർത്ഥികൾക്ക് അവസരമുണ്ട്.
കേരളത്തിലുടനീളം തൊഴിലവസരങ്ങളുണ്ട്. കൂടുതൽ വിവരങ്ങൾക്ക് 8138908657, 04812563451(ഇസി) എന്നീ നമ്പറുകളിലും, emp.kottayam@gmail.com എന്ന മെയിൽ ഐടിയിലും ബന്ധപ്പെടാവുന്നതാണ്.
