കോട്ടയം: ഉപതെരഞ്ഞെടുപ്പ് നടക്കുന്ന നിയോജക മണ്ഡലങ്ങളുടെ പരിധിയിൽ 28ന് തദ്ദേശ സ്ഥാപന നിയോജക മണ്ഡലങ്ങളുടെ പരിധിയിലെ എല്ലാ വിദ്യാഭ്യാസ സ്ഥാപനങ്ങൾക്കും
സര്ക്കാര് ഓഫി സുകള്ക്കും ജില്ലാ തെരഞ്ഞെടുപ്പ് ഓഫിസറായ ജില്ലാ കളക്ടര് അവധി പ്രഖ്യാപിച്ചു.
പാമ്പാടി പഞ്ചായത്തിലെ 10-ാം വാര്ഡ് (കുമ്പന്താനം), മീനടം പഞ്ചായത്തിലെ ഒന്നാം വാര്ഡ് (ചീരംകുളം) ജില്ലാ പഞ്ചായത്ത് 17-ാം ഡിവിഷനില് (തൃക്കൊടിത്താനം) ഉള്പ്പെടുന്ന മാടപ്പള്ളി പഞ്ചായത്തിലെ 10, 12, 16,17,18,19 വാര്ഡുകള്, പായിപ്പാട് പഞ്ചായത്തിലെ ഒന്നു മുതല് 17 വരെ വാര്ഡുകള്,
തൃക്കൊടിത്താനം പഞ്ചായത്തിലെ ഒന്നു മുതല് 22 വരെ വാര്ഡുകള്, വാഴപ്പള്ളി പഞ്ചായത്തിലെ 21, 22 വാര്ഡുകള് എന്നിവടങ്ങളിലാണ് അവധി.
പോളിംഗ് സ്റ്റേഷനുകളായി പ്രവര്ത്തിക്കുന്ന സ്കൂളുകള്ക്ക് 27, 28 തീയതികളില് അവധിയായിരിക്കും.
ഉപതരഞ്ഞെടുപ്പിന്റെ വോട്ടിംഗ് സാമഗ്രികളുടെ സ്വീകരണ വിതരണ കേന്ദ്രങ്ങളും വോട്ടെണ്ണല് കേന്ദ്രങ്ങളുമായ വെള്ളൂര് ടെക്നിക്കല് സ്കൂളിനും ചങ്ങനാശേരി എസ്ബി ഹയര് സെക്കന്ഡറി സ്കൂളിനും വോട്ടെണ്ണല് ദിനമായ 29ന് അവധിയായിരിക്കും.
ഉപതെരഞ്ഞെടുപ്പ് നടക്കുന്ന നിയോജക മണ്ഡലങ്ങളുടെ പരിധിയില് വോട്ടെടുപ്പ് അവസാനിക്കുന്ന 28നു വൈകുന്നേരം ആറിനു മുന്പുള്ള 48 മണിക്കൂറും വോട്ടെണ്ണല് ദിനിമായ 29നും സമ്പൂര്ണ മദ്യനിരോധനം ഏര്പ്പെടുത്തി.
സര്ക്കാര്, അര്ധസര്ക്കാര്, പൊതുമേഖലാ സ്ഥാപനങ്ങള്, നിയമാനുസൃത കമ്പനികള്, ബോര്ഡുകള്, കോര്പറേഷനുകള് എന്നിവിടങ്ങളിലെ ജീവനക്കാര് ഉപതെരഞ്ഞെടുപ്പ് നടക്കുന്ന സ്ഥലങ്ങളിലെ വോട്ടര്മാരാണെന്നു തെളിയിക്കുന്ന രേഖ സഹിതം അപേക്ഷിച്ചാല് വോട്ടു ചെയ്യുന്നതിന് മേലധികാരികള് അനുമതി നല്കണമെന്നും കളക്ടര് അറിയിച്ചു.
