കോട്ടയം: കോട്ടയം ജില്ലയിലെ പ്രമുഖ വിനോദസഞ്ചാര കേന്ദ്രമായ ഇലവീഴാപൂഞ്ചിറയിൽ പാലാ എംഎൽഎ മാണി സി. കാപ്പനും കോട്ടയം ജില്ലാ കളക്ടർ ചേതൻകുമാർ മീണയും സന്ദർശനം നടത്തി. ടൂറിസം വികസനവുമായി ബന്ധപ്പെട്ട കാര്യങ്ങൾ പഠിക്കുന്നതിനായിരുന്നു സന്ദർശനം.
പ്രദേശത്തെ ടൂറിസം സാധ്യതകൾ മെച്ചപ്പെടുത്തുന്നതിനും അടിസ്ഥാന സൗകര്യങ്ങൾ വികസിപ്പിക്കുന്നതിനും ആവശ്യമായ നടപടികൾ വിലയിരുത്തുന്നതിന്റെ ഭാഗമായിയായിരുന്നു സന്ദർശനം.
ഈരാറ്റുപേട്ട ബ്ലോക്ക് പഞ്ചായത്ത് പ്രസിഡന്റ് ജോയി സ്കറിയ, ജില്ലാ പഞ്ചായത്ത് വൈസ് പ്രസിഡന്റ് ബിന്ദു സെബാസ്റ്റ്യൻ, മേലുകാവ് ഗ്രാമപഞ്ചായത്ത് പ്രസിഡന്റ് ബിൻസി റ്റോമി, വൈസ് പ്രസിഡന്റ് ക്രിസ്റ്റിൻ ജോൺസൺ എന്നിവരും സംഘത്തിലുണ്ടായിരുന്നു.
