തിരുവനന്തപുരം: സമരം ചെയ്യുന്ന എല്‍പിഎസ്ടി റാങ്ക് ഹോള്‍ഡര്‍മാരുമായി ഇനി ചര്‍ച്ചയില്ലെന്ന് വിദ്യാഭ്യാസ വകുപ്പ് മന്ത്രി എന്‍. ഷംസുദ്ധീന്‍. വിഷയത്തില്‍ നിരവധി ചര്‍ച്ചകള്‍ നടന്നതാണെന്നും, സമരക്കാരുടെ ആക്ഷേപം വസ്തുതാപരമല്ലെന്നും, റാങ്ക് ലിസ്റ്റില്‍ ഒഴിവുണ്ടെങ്കില്‍ മാത്രമേ നിയമിക്കാന്‍ കഴിയൂവെന്നും മന്ത്രി വ്യക്തമാക്കി.
മുഖ്യമന്ത്രി ഇത് സംബന്ധിച്ച്‌ കാര്യങ്ങള് പറഞ്ഞു. സമരക്കാർ ആക്ഷേപങ്ങളും ഉന്നയിക്കുന്നു. അതിലൊന്നും ഒരു വസ്തുതയും ഇല്ല. നിലവിലെ സിസ്റ്റത്തിൻ്റെ കുഴപ്പമാണ്. മാറ്റാൻ പിഎസ്‌സിയോട് ആവശ്യപ്പെടും. 2028 മെയ് വരെ റാങ്ക് ലിസ്റ്റ് കാലാവധിയുണ്ട്. കുട്ടികളുടെ എണ്ണം കുറഞ്ഞു വരുകയാണ്. റാങ്ക് ലിസ്റ്റ് അനുസൃതമായി നിയമങ്ങള്‍ മാറ്റണമെന്നാണ് അവരുടെ ആവശ്യം.
അത് സർക്കാരിന് ചെയ്യാൻ കഴിയില്ല. മുഖ്യമന്ത്രി ഒരു കള്ളവും പറഞ്ഞിട്ടില്ല. അഞ്ചാമത്തെ ആവശ്യം അംഗീകരിക്കാതെ സമരം അവസാനിപ്പിക്കില്ല എന്ന് പറഞ്ഞു ഇറങ്ങിപ്പോയി. നാല് ആവശ്യങ്ങള്‍ അംഗീകരിച്ചുവെന്ന് എങ്ങനെയാണ് ഉത്തരവ് ഇറക്കുക. ധാരണക്കില്ല എന്ന് പറഞ്ഞ് ഇറങ്ങിപ്പോയവരാണ് അവർ. നിലവില്‍ ചർച്ചയ്ക്കുള്ള സാഹചര്യമില്ലെന്നും മന്ത്രി വ്യക്തമാക്കി.
വിശദമായി എല്ലാ വശവും നേരത്തെ തന്നെ ചര്‍ച്ച ചെയ്തതാണെന്നും മന്ത്രി കൂട്ടിച്ചേര്‍ത്തു. അധ്യാപക വിദ്യാര്‍ഥി അനുപാതം കുറയ്ക്കുക എന്നതായിരുന്നു അഞ്ചാമതായി ഉദ്യോഗാര്‍ഥികള്‍ മുന്നോട്ട് വച്ച ആവശ്യം. ഇത് അംഗീകരിക്കാന്‍ ആവില്ലെന്നതാണ് സര്‍ക്കാര്‍ പറയുന്നത്.
