കോട്ടയം: രുചിയും ആരോഗ്യഗുണവും ഒരേപോലെ അടങ്ങിയവയാണ് ഡ്രൈ ഫ്രൂട്ട്സ്.
വിറ്റാമിനുകള്‍, ധാതുക്കള്‍, ആന്റിഓക്‌സിഡന്റുകള്‍, ആരോഗ്യകരമായ കൊഴുപ്പുകള്‍ എന്നിവയാല്‍ സമ്പന്നമാണ് ഇവ.
ഊർജവും ശരീരത്തിന്റെ മൊത്തത്തിലുള്ള ആരോഗ്യവും ഇവ കഴിക്കുന്നതിലൂടെ സ്വന്തമാക്കാം.
ദിവസേന ഒരു പിടി ഡ്രൈ ഫ്രൂട്ട്സ് കഴിക്കുന്നത് പ്രതിരോധശേഷി വർധിപ്പിക്കാനും, ദഹനം മെച്ചപ്പെടുത്താനും, ചർമ്മത്തിന് തിളക്കം നല്‍കാനും, ഹൃദയാരോഗ്യം സംരക്ഷിക്കാനും, ശരീരത്തിന് ഉള്ളില്‍ നിന്ന് പോഷണം നല്‍കാനും സഹായിക്കും. ഡ്രൈ ഫ്രൂട്ട്സിന്റെ പോഷകഗുണങ്ങള്‍ ശരീരത്തെ എങ്ങനെയാെക്കെ സഹായിക്കുന്നുവെന്ന് നോക്കാം.
പ്രതിരോധശേഷി വർധിപ്പിക്കും
പ്രതിരോധ ശേഷിയില്‍ മുമ്പനാണ് ഡ്രൈഫ്രൂട്ടുകള്‍. ബദാം, വാല്‍നട്ട്, ഈന്തപ്പഴം, പിസ്ത തുടങ്ങിയവ ആന്റിഓക്‌സിഡന്റുകളാലും വിറ്റാമിനുകളാലും ധാതുക്കളാലും സമ്പന്നമാണ് ഇവ.
ദഹനം മെച്ചപ്പെടുത്തും
അത്തിപ്പഴം, ഉണങ്ങിയ പഴങ്ങള്‍, ഉണക്കമുന്തിരി എന്നിവയില്‍ ഉയർന്ന അളവില്‍ ഡയറ്ററി ഫൈബർ അടങ്ങിയിട്ടുണ്ട്. ഇവ കഴിക്കുന്നതിലൂടെ ദഹനം മെച്ചപ്പെടുത്താനും മലബന്ധം തടയാനും സഹായിക്കും.
തലച്ചോറിന്റെ ആരോഗ്യം മെച്ചപ്പെടുത്തും
വാല്‍നട്ടിലും ബദാമിലും ഒമേഗ-3 ഫാറ്റി ആസിഡുകളും വിറ്റാമിൻ ഇയും അടങ്ങിയിട്ടുണ്ട്. ഇത് ഓർമ്മശക്തി, ഏകാഗ്രത, മൊത്തത്തിലുള്ള മസ്തിഷ്ക പ്രവർത്തനം എന്നിവ മെച്ചപ്പെടുത്താൻ സഹായിക്കും.
ചർമ്മവും മുടിയും ആരോഗ്യത്തോടെ നിലനിർത്തും
ആന്റിഓക്‌സിഡന്റുകള്‍, ആരോഗ്യകരമായ കൊഴുപ്പുകള്‍, വിറ്റാമിനുകള്‍ എന്നിവയാല്‍ സമ്പുഷ്ടമാണ് ഡ്രൈ ഫ്രൂട്ട്സ്. ഇത് ചർമ്മത്തിന് തിളക്കവും മുടിക്ക് കരുത്തും നല്‍കും.
ശരീരഭാരം കുറയ്ക്കാം
ഒരു പിടി ഡ്രൈ ഫ്രൂട്ട്സ് കഴിക്കുന്നത് വയറുനിറഞ്ഞ ഫീല്‍ കിട്ടാൻ സഹായിക്കും. ഇതുവഴി പെട്ടന്ന് വിശക്കില്ല. അതിനാല്‍ ശരീര ഭാരം കുറയ്ക്കാൻ സഹായിക്കുന്നവർക്ക് വളരെ നല്ലതാണ്.
ഹൃദയാരോഗ്യത്തിന് നല്ലത്
ബദാം, വാല്‍നട്ട്, പിസ്ത തുടങ്ങിയ നട്‌സുകള്‍ ചീത്ത കൊളസ്ട്രോള്‍ കുറയ്ക്കാനും രക്തസമ്മർദം നിയന്ത്രിക്കാനും മൊത്തത്തിലുള്ള ഹൃദയാരോഗ്യം സംരക്ഷിക്കാനും സഹായിക്കും.
രക്തത്തിലെ പഞ്ചസാരയുടെ അളവ് നിയന്ത്രിക്കും
ഈന്തപ്പഴം, ഉണക്കമുന്തിരി, ആപ്രിക്കോട്ട് എന്നിവയില്‍ നാരുകള്‍ക്കൊപ്പം സ്വാഭാവിക പഞ്ചസാരയും അടങ്ങിയിട്ടുണ്ട്. ഇത് മിതമായ അളവില്‍ കഴിക്കുന്നതിലൂടെ ശരീരത്തിലെ പഞ്ചസാരയുടെ അളവ് നിയന്ത്രിക്കാം.
രക്തത്തിന്റെ ആരോഗ്യം മെച്ചപ്പെടുത്തും
ഉണക്കമുന്തിരി, ഈന്തപ്പഴം, ആപ്രിക്കോട്ട് തുടങ്ങിയ ഇരുമ്പ് അടങ്ങിയ ഡ്രൈ ഫ്രൂട്ട്സ് വിളർച്ച (അനീമിയ) തടയാനും ഹീമോഗ്ലോബിന്റെ അളവ് കൂട്ടാനും സഹായിക്കും.
കണ്ണിന്റെ ആരോഗ്യം സംരക്ഷിക്കും
ബദാമും ആപ്രിക്കോട്ടും പോലുള്ള ഡ്രൈ ഫ്രൂട്ട്സില്‍ കാഴ്ചശക്തിക്ക് ഗുണം ചെയ്യുന്ന വിറ്റാമിൻ എയും മറ്റ് പോഷകങ്ങളും അടങ്ങിയിട്ടുണ്ട്. ഇവ കഴിക്കുന്നതിലൂടെ കണ്ണിന്റെ ആരോഗ്യം മെച്ചപ്പെടുത്താം.
