പട്ന: അജയ് ദേവ്ഗണ്‍ നായകനായ 'ദൃശ്യം' സിനിമയുടെ മൂന്നാം ഭാഗം കണ്ടതിന് പിന്നാലെ 2,000 കിലോമീറ്റര്‍ സഞ്ചരിച്ചെത്തി പിതാവിനെ കൊലപ്പെടുത്തിയ യുവാവ് പിടിയിലായി.
ബിഹാറിലെ സമസ്തിപൂര്‍ സ്വദേശിയായ ശിവ് ശങ്കര്‍ (26) ആണ് പിതാവ് രഘുവീര്‍ സാഹ്നിയെ (50) ക്രൂരമായി കൊലപ്പെടുത്തിയത്. സ്വത്തുതര്‍ക്കത്തെ തുടര്‍ന്ന് പിതാവുമായി ദീര്‍ഘകാലമായി അകല്‍ച്ചയിലായിരുന്ന ശിവ് ശങ്കര്‍, ഭാര്യയോടൊപ്പം ഗുജറാത്തിലെ സൂറത്തിലായിരുന്നു താമസം. സിനിമ കണ്ട ശേഷം കൊലപാതകം ആസൂത്രണം ചെയ്ത ഇയാള്‍ അതിനായി സൂറത്തില്‍നിന്ന് ബിഹാറിലേക്ക് തിരിക്കുകയായിരുന്നു.
അതീവ ജാഗ്രതയോടെയാണ് പ്രതി കൃത്യം പ്ലാന്‍ ചെയ്തത്. യാത്ര ആരംഭിക്കുന്നതിന് മുന്‍പ് തന്നെ മൊബൈല്‍ ഫോണ്‍ സ്വിച്ച്‌ ഓഫ് ചെയ്തു. പട്നയിലെത്തിയ ശേഷം ട്രെയിന്‍ മാര്‍ഗം പട്ടോറി സ്റ്റേഷനിലിറങ്ങി. തുടര്‍ന്ന് ഓട്ടോറിക്ഷയില്‍ ഗ്രാമത്തിന് നാല് കിലോമീറ്റര്‍ അകലെയെത്തുകയും അവിടെനിന്ന് കാല്‍നടയായി വീട്ടിലേക്ക് പോകുകയുമായിരുന്നു. അര്‍ധരാത്രിയോടെ വീടിന്റെ പിന്‍വാതിലിലൂടെ അകത്തുകടന്ന ഇയാള്‍, ഉറങ്ങിക്കിടക്കുകയായിരുന്ന പിതാവിനെ കോടാലി ഉപയോഗിച്ച്‌ വെട്ടി കൊലപ്പെടുത്തുകയായിരുന്നു.
കൊലപാതകത്തിന് ശേഷം ഉടന്‍ തന്നെ സൂറത്തിലേക്ക് മടങ്ങിയ പ്രതിക്ക് യാത്രയ്ക്കിടെ പറ്റിയ ചെറിയൊരു അബദ്ധമാണ് പോലീസിന് വഴിത്തിരിവായത്. മടങ്ങും വഴി പട്ടോറി റെയില്‍വേ സ്റ്റേഷനില്‍ വച്ച്‌ ഭാര്യയെ വിളിക്കാനായി ഇയാള്‍ ഫോണ്‍ ഓണ്‍ ചെയ്യുകയും സംസാരിച്ച ശേഷം വീണ്ടും സ്വിച്ച്‌ ഓഫ് ആക്കുകയും ചെയ്തു. ഈ സമയപരിധിക്കുള്ളില്‍ സിഗ്‌നല്‍ പിടിച്ചെടുത്ത പോലീസ് ഉദ്യോഗസ്ഥര്‍ക്ക് പ്രതിയിലേക്കുള്ള നിര്‍ണായക തുമ്പ് ലഭിക്കുകയായിരുന്നു.
കൊലപാതകത്തിന് ശേഷവും പിതാവിന്റെ മരണാനന്തര ചടങ്ങുകളില്‍ പങ്കെടുക്കാതിരുന്ന ശിവ് ശങ്കറിന്റെ നടപടി പോലീസിന്റെ സംശയം വര്‍ധിപ്പിച്ചു. തുടര്‍ന്ന് കസ്റ്റഡിയിലെടുത്ത് ചോദ്യം ചെയ്തതോടെയാണ് ദൃശ്യം സിനിമയില്‍ നിന്ന് പ്രചോദനം ഉള്‍ക്കൊണ്ടാണ് കൊലപാതകം ആസൂത്രണം ചെയ്തതെന്ന് പ്രതി സമ
