ഡൽഹി: ഗ്യാനേഷ് കുമാറിന്റെ രാജിയാവശ്യപ്പെട്ട് തുടർപ്രതിഷേധങ്ങളുമായി ഇന്ത്യ സഖ്യം.
ഇന്ന് രാഷ്ട്രപതിയെ കാണാനുള്ള നീക്കത്തിലാണ് പ്രതിപക്ഷം. മമത ബാനർജി ഉള്‍പ്പെടെയുള്ള നേതാക്കളും ഡൽഹിക്ക് എത്തി.
ഇതിനിടെ നാളെത്തെ സിജെപി പ്രതിഷേധം കണക്കിലെടുത്ത് ഡൽഹി പൊലീസ് കനത്ത ജാഗ്രതയിലാണ്.
തുടർച്ചയായി രണ്ട് ദിവസം ഇന്ത്യ സഖ്യം നടത്തിയ പ്രതിഷേധം സംഘർഷത്തില്‍ കലാശിച്ചെങ്കിലും ഇന്നലെ നടത്തിയ പ്രതിഷേധം സമാധാനപരമായിരുന്നു. വിട്ടു നിന്ന സമാജ് വാദി പാർട്ടിയടക്കം ഇന്നലെ രാജ്ഘട്ടിലെ പരിപാടിയില്‍ എത്തിയിരുന്നു.
മൂന്ന് മണിയോടെ മൂന്ന് ബസ്സുകളിലായി എംപിമാർ കൊണാട്ട് പ്ലേസില്‍ നിന്ന് രാജ്ഘട്ടിലേക്ക് തിരിച്ചു. രാജ്ഘട്ടില്‍ പ്രവേശനം അനുവദിക്കാൻ ആവില്ല എന്നാണ് പൊലീസ് ആദ്യം അറിയിച്ചത്.
എന്നാല്‍, സമാധാനപരമായി പ്രാർത്ഥന നടത്തും എന്ന ഉറപ്പിന്റെ അടിസ്ഥാനത്തില്‍ എംപിമാരെ പൊലീസ് തടഞ്ഞിരുന്നു.
