ന്യൂഡല്‍ഹി: വോട്ടർപട്ടിക പുതുക്കലിലെ (എസ്.ഐ.ആർ) ക്രമക്കേടുകള്‍ ആരോപിച്ച്‌ മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറിന്റെ രാജി ആവശ്യപ്പെട്ട് ജന്തർമന്തറില്‍ സമരം നടത്താൻ പൊലീസ് അനുമതി നിഷേധിച്ചതിനെതിരെ ഇന്ത്യൻ യൂത്ത് കോണ്‍ഗ്രസ് ഡല്‍ഹി ഹൈക്കോടതിയില്‍ ഹരജി നല്‍കിയിരുന്നു.
യൂത്ത് കോണ്‍ഗ്രസ് നല്‍കിയ അടിയന്തര ഹരജി വെള്ളിയാഴ്ച പരിഗണിക്കാമെന്ന് ഹൈക്കോടതി വ്യക്തമാക്കി.
ആക്ടിംഗ് ചീഫ് ജസ്റ്റിസ് നിതിൻ വാസുദേവ് സാംബ്രെ, ജസ്റ്റിസ് സഞ്ജയ് ശർമ എന്നിവരടങ്ങിയ ഡിവിഷൻ ബെഞ്ചിന് മുൻപാകെയാണ് അഭിഭാഷകർ ഹരജി അടിയന്തരമായി പരിഗണിക്കണമെന്ന് ആവശ്യപ്പെട്ട് മെൻഷൻ ചെയ്തത്. കേസ് നാളെ ലിസ്റ്റ് ചെയ്യുമെന്നും അഥവാ ലിസ്റ്റ് ചെയ്തില്ലെങ്കില്‍ വിഷയം വീണ്ടും കോടതിയുടെ ശ്രദ്ധയില്‍പ്പെടുത്താമെന്നും ബെഞ്ച് അറിയിച്ചു.
