ഏറ്റുമാനൂര്: നഗരസഭയ്ക്കുവേണ്ടി പണിത പുതിയ ആസ്ഥാന മന്ദിരം ഉദ്ഘാടനം കഴിഞ്ഞിട്ടും മാറ്റാത്തതില് പ്രതിഷേധം.
വി.എന്. വാസവന് മന്ത്രിയായിരിക്കേയാണ് ആറു മാസം മുമ്പ് 6 കോടി രൂപ ചെലവഴിച്ച് നിര്മ്മിച്ച മന്ദിരത്തിത്തിന്റെ ഉദ്ഘാടനം നിര്ഹിച്ചത്.
ആരോഗ്യ മന്ദിരത്തിനോട് ചേര്ന്നുള്ള കെട്ടിടത്തില് ഇനിയും അറ്റകുറ്റ പണികള് നടത്താനുണ്ടെന്നാണ് നഗരസഭ ചെയര്മാന് ടോമി പുളിമാന്തുണ്ടം പറയുന്നത്. പുതിയ മന്ദിരത്തില് എ.സി, ഇന്റെര്നെറ്റ് സേവനം, പുതിയ ഫയലുകള് വയ്ക്കാനുള്ള സംവിധാനം സ്റ്റാന്ഡിംഗ് കമ്മറ്റി അംഗങ്ങളുടെ മുറികള്, സോളാര് സംവിധാനം എന്നിവക്കായി ഇനി രണ്ടു കോടിയോളം രൂപ ആവശ്യമായിട്ടുണ്ട്.
ഇതിനുള്ള ഭരണാനുമതി ലഭിച്ചുകഴിഞ്ഞു. മൂന്നു മാസത്തിനുള്ളില് പുതിയ കെട്ടിടത്തിലേക്ക് മാറാന് സാധിക്കുമെന്ന് ചെയര്മാന് പറഞ്ഞു.
നിലവില് മത്സ്യമാര്ക്കറ്റിനോടു ചേര്ന്ന കെട്ടിടത്തിലാണ് പ്രവര്ത്തിക്കുന്നത്. പുതിയ കെട്ടിടത്തില് രണ്ടു നിലകളിലായി നിരവധി സൗകര്യങ്ങള് ഒരുക്കിയിട്ടുണ്ട്.
