തിരുവനന്തപുരം: ഓണം പ്രമാണിച്ച് കെ.എസ്.ആർ.ടി.സി ജീവനക്കാർക്കും പെൻഷൻകാർക്കും ഉത്സവബത്തയും അഡ്വാൻസും വിതരണം ചെയ്യുന്നതിന് 33.92 കോടി രൂപ അനുവദിച്ചതായി ഗതാഗത മന്ത്രി സി.പി. ജോണ് അറിയിച്ചു.
സ്ഥിരം ജീവനക്കാർക്ക് 10,000 രൂപ ഓണം അഡ്വാൻസ് നല്കാനായി 21.5 കോടി രൂപ കെ.എസ്.ആർ.ടി.സി ക്ക് പ്രത്യേക മന്ത്രിസഭാ തീരുമാനപ്രകാരമാണ് അനുവദിക്കുന്നത്. ഓണം സാലറി അഡ്വാൻസ് 2023 ന് ശേഷം നല്കിയിരുന്നില്ല. പെൻഷൻകാർക്ക് 1250 രൂപ ഉത്സവബത്ത നല്കുന്നതിന് 5.32 കോടി രൂപയും പ്രത്യേക ധനസഹായമായി അനുവദിച്ചു. കെഎസ്ആർടിസിയില് പെൻഷൻകാർക്കുള്ള ഓണം അലവൻസ് 2019 ന് ശേഷം ഇതാദ്യമായാണ് നല്കുന്നത്.
കടുത്ത സാമ്പത്തിക പ്രതിസന്ധികള്ക്കിടയിലും ജീവനക്കാരുടെ ആത്മാർത്ഥതയും അർപ്പണബോധവും പരിഗണിച്ചാണ് ഓണം ഫെസ്റ്റിവല് ആനുകൂല്യങ്ങള് നല്കാൻ മന്ത്രിസഭ തീരുമാനിച്ചതെന്ന് മന്ത്രി സി.പി.ജോണ് അറിയിച്ചു.
