ഡല്‍ഹി: ഗ്യാനേഷ് കുമാറിനെതിരായ പ്രതിഷേധത്തെ തുടർന്ന് പൊലീസ് കസ്റ്റഡിയിലെടുത്ത ലോക്സഭാ പ്രതിപക്ഷനേതാവ് രാഹുല്‍ ഗാന്ധിയെ കാണാൻ ബാരഖാംബ സ്റ്റേഷന് മുന്നില്‍ എത്തിയ മുഖ്യമന്ത്രി വി ഡി സതീശനെ തടഞ്ഞു.
അകത്തു പോകാൻ അനുമതി നല്‍കില്ല എങ്കില്‍ അറസ്റ്റ് ചെയ്യണമെന്ന് വി ഡി സതീശൻ പറഞ്ഞു. രാഹുലിനൊപ്പം കെ സി വേണുഗോപാല്‍ എം പി, എ എ റഹീം,പവൻ ഖേര, ശിവദാസൻ എം പി എന്നിവരും കസ്റ്റഡിയിലാണ്.
കോണ്‍ഗ്രസ് പ്രവർത്തകർ സ്റ്റേഷന് പുറത്ത് തടിച്ചുകൂടി മുദ്രാവാക്യം വിളിക്കുന്ന സാഹചര്യമടക്കം ഉണ്ടായി. ഏകദേശം ഇരുനൂറോളം വരുന്ന ജനപ്രതിനിധികളാണ് ഇന്ന് ഡല്‍ഹിയില്‍ നടന്ന സമരമുഖത്തുണ്ടായിരുന്നത്.
ഗ്യാനേഷ് കുമാറിന്റെ രാജി ആവശ്യപ്പെട്ട് എംപിമാർ സഞ്ചരിച്ചിരുന്ന ബസുകള്‍ ജന്തർ മന്തറിന് 100 മീറ്റർ അകലെ വെച്ച്‌ ഡല്‍ഹി പൊലീസ് തടയുകയായിരുന്നു. ജന്തർ മന്തറില്‍ പ്രതിഷേധിക്കാൻ മുൻകൂർ അനുമതി വാങ്ങിയിട്ടില്ലെന്ന് ചൂണ്ടിക്കാണിച്ചാണ് പൊലീസ് ഇവരെ തടഞ്ഞത്. തിരഞ്ഞെടുപ്പ് കമ്മീഷനെ കണ്ട് പരാതി നല്‍കാൻ അനുമതി ചോദിച്ച ജനപ്രതിനിധികളോട് പൊലീസ് ക്രൂരമായാണ് പെരുമാറിയതെന്ന് നേതാക്കള്‍ ആരോപിച്ചു.
ഗ്യാനേഷ് കുമാർ രാജിവെക്കും വരെ പ്രതിഷേധം അവസാനിപ്പിക്കില്ല. നരേന്ദ്രമോദിക്കും അമിത് ഷായ്ക്കും ഞങ്ങളെ തടയാൻ സാധിക്കില്ലെന്ന് രാഹുല്‍ഗാന്ധി പ്രതികരിച്ചിരുന്നു.
