കൊച്ചി : കൊച്ചിയില് കോളേജ് വിദ്യാര്ത്ഥികള് തമ്മില് ഏറ്റുമുട്ടി. കടവന്ത്ര സൗത്ത് ജനത റോഡില് വെച്ച് ഇന്നലെ രാത്രിയായിരുന്നു സംഭവം. തേവര എസ്എച്ച് കോളേജിലെ വിദ്യാര്ത്ഥികളും ലോ കോളേജിലെ വിദ്യാര്ത്ഥികളും തമ്മിലായിരുന്നു ഏറ്റുമുട്ടല്.
സംഘർഷത്തിന് പിന്നാലെ വിദ്യാര്ത്ഥികള് നല്കിയ പരാതിയില് പാലാരിവട്ടം പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്. ഇന്നലെ രാവിലെ തേവര എസ്എച്ച് കോളേജില് വെച്ച് അവിടുത്തെ വിദ്യാര്ത്ഥികളും ലോ കോളേജിലെ വിദ്യാര്ത്ഥികളും തമ്മില് ചില പ്രശ്നങ്ങള് ഉണ്ടായിരുന്നു.
ഈ പ്രശ്നങ്ങളുടെ തുടര്ച്ചയായാണ് സൗത്ത് ജനതാ റോഡില് വെച്ച് രാത്രിയിൽ ഏറ്റുമുട്ടല് ഉണ്ടായതെന്നാണ് വിവരം. വീഡിയോ ദൃശ്യങ്ങളിലുള്ള വിദ്യാര്ത്ഥികളോട് ഇന്ന് സ്റ്റേഷനില് ഹാജരാവാന് പൊലീസ് ആവശ്യപ്പെട്ടിട്ടുണ്ട്. അതിന് ശേഷമായിരിക്കും തുടര് നടപടി സ്വീകരിക്കുക.
