മലയാള സിനിമയില്‍ തനതായ അഭിനയശൈലിയിലൂടെ ശ്രദ്ധേയനായ നടനാണ് ചെമ്പില്‍ അശോകൻ. യുവതാരനിരയിലെ മുൻനിര നായികയായ മമിത ബൈജുവിനൊപ്പം അഭിനയിച്ചപ്പോഴുള്ള അനുഭവം പങ്കിടുകയാണ് നടൻ.
ബെത്‌ലഹേം കുടുംബ യൂണിറ്റിലാണ് ഇരുവരും ഒന്നിച്ച്‌ അഭിനയിച്ചത്. ഇൻഡസ്ട്രിയില്‍ പലരും ജാഡ കാണിക്കുന്നത് കണ്ടിട്ടുണ്ടെന്നും എന്നാല്‍ മമിത അങ്ങനെ അല്ലെന്നും ചെമ്പില്‍ അശോകൻ പറഞ്ഞു.
'മമിതയുടെ കൂടെ ഞാൻ ആദ്യമായാണ് അഭിനയിക്കുന്നത്. കോട്ടയംക്കാരിയാണ് മമിത ജ്ഞാതും കോട്ടയത്താണ്. സിനിമയില്‍ പ്രാർത്ഥനയുടെ ഒരു സീനുണ്ടായിരുന്നു നന്മ നിറഞ്ഞ മറിയമേ എന്ന പ്രാർത്ഥനയുടെ ബാക്കി എനിക്ക് അറിയില്ലായിരുന്നു. മമിതയാണ് അതൊക്കെ പറഞ്ഞു തന്നത്. പക്ഷെ ഡബ്ബ് ചെയ്യേണ്ടി വന്നില്ല. മമിത നല്ല പെരുമാറ്റമാണ്. ജാഡ ഒന്നും ഇല്ല. സൂര്യയുടെ കൂടെ ഉള്ള പടം എല്ലാം ഹിറ്റാക്കി തകർത്ത് വന്നതാണ് ജാഡ എന്നൊക്കെ പറഞ്ഞാല്‍ ഭയങ്കരമായി കാണിക്കേണ്ടതിരുന്നു. ജാഡ ചുമന്ന് കൊണ്ട് വരാം. ഇൻഡസ്ട്രിയില്‍ പലരും അങ്ങനെ കാണിക്കുന്നത് നമ്മള്‍ കണ്ടിട്ടുണ്ട്. പക്ഷെ മമിത നല്ല പെരുമാറ്റമാണ്. ജാഡ ഒന്നും ഇല്ല. പിന്നെ ഞങ്ങള്‍ ഒരു ജില്ലക്കാരുമല്ലേ; ചെമ്പില്‍ അശോകൻ പറഞ്ഞു.
നാടകത്തിലൂടെ സിനിമയിലേക്ക് കടന്നുവന്ന നടന്മാരിലൊരാളാണ് ചെമ്പില്‍ അശോകന്‍. 20 വര്‍ഷത്തോളം പ്രൊഫഷണല്‍ നാടകത്തിന്റെ ഭാഗമായിരുന്ന അദ്ദേഹം ഭാഗ്യദേവതയിലൂടെയാണ് ബിഗ് സ്‌ക്രീനിലേക്കെത്തിയത്. തുടര്‍ന്ന് നിരവധി സിനിമകളില്‍ ചെറുതും വലുതുമായ വേഷങ്ങള്‍ ചെയ്ത് പ്രേക്ഷകശ്രദ്ധ നേടി. ചെറിയ വേഷങ്ങളിലൂടെ സിനിമാലോകത്ത് നിറഞ്ഞുനില്‍ക്കുന്ന അശോകനെ സോഷ്യല്‍ മീഡിയയില്‍ പലര്‍ക്കും മീമിലൂടെയാണ് പരിചയമുള്ളത്. സത്യന്‍ അന്തിക്കാട് സംവിധാനം ചെയ്ത പുതിയ തീരങ്ങളിലെ കോമഡി സീന്‍ ഇപ്പോഴും പല ട്രോള്‍ പേജുകളില്‍ മീം മെറ്റീരിയലാണ്.
