എരിവുള്ള ഭക്ഷണം കഴിച്ചാല് അസിഡിറ്റി, രാത്രി ഭക്ഷണം കഴിച്ചാല് വയറുവീര്ക്കല്… ഇത്തരം പ്രശ്നങ്ങള് പലര്ക്കും അനുഭവപ്പെടാറുണ്ട്.
മിക്കപ്പോഴും ഗുരുതരമല്ലാത്ത കാരണങ്ങളാണ് ഇതിന് പിന്നില്. എന്നാല് അസിഡിറ്റിയും ദഹനക്കേടും പതിവായി ഉണ്ടാവുകയോ ചികിത്സിച്ചിട്ടും
മാറാതിരിക്കുകയോ ചെയ്താല് അതിന്റെ കാരണം കണ്ടെത്തേണ്ടത് അത്യാവശ്യമാണ്.
വയറ്റിലെ ക്യാന്സര് ഉള്പ്പെടെയുള്ള ഗുരുതര രോഗങ്ങളുടെ ചില ലക്ഷണങ്ങള് സാധാരണ ദഹനപ്രശ്നങ്ങളോട് സാമ്യമുള്ളതാകാമെന്ന് ഡോക്റ്റർ ചൂണ്ടിക്കാട്ടുന്നു.
തുടര്ച്ചയായ അസിഡിറ്റിയും ദഹനക്കേടും ഉണ്ടാവുക.
പതിവായി നെഞ്ചെരിച്ചില് അനുഭവപ്പെടുക, ചികിത്സിച്ചിട്ടും ദഹനപ്രശ്നങ്ങള് മാറാതിരിക്കുക.
ഭക്ഷണം കഴിക്കാനുള്ള താല്പര്യം കുറയുക.
കാരണവുമില്ലാതെ ശരീരഭാരം കുറയുക.
ഭക്ഷണക്രമത്തിലോ വ്യായാമത്തിലോ ഒരു വ്യത്യാസവും വരുത്തിയില്ലെങ്കിലും ശരീര ഭാരം കുറയുക.
കുറച്ച് ഭക്ഷണം കഴിക്കുമ്പോള് തന്നെ വയറുനിറഞ്ഞതായി തോന്നുക.
ചെറിയ അളവില് ഭക്ഷണം കഴിച്ചാലും വയര് നിറഞ്ഞതായി അനുഭവപ്പെടുക.
ഭക്ഷണമോ വെള്ളമോ വിഴുങ്ങുമ്പോള് പ്രയാസം അനുഭവപ്പെടുക.
ഇടയ്ക്കിടെ ഛര്ദിക്കുകയോ ദഹനപ്രശ്നങ്ങള്ക്കൊപ്പം ഛര്ദി ഉണ്ടാകുകയോ ചെയ്യുക.
വിളര്ച്ചയുടെ ലക്ഷണങ്ങളോ കറുത്ത നിറത്തിലുള്ള മലമോ ഉണ്ടാകുക.
ഈ ലക്ഷണങ്ങള് ഉണ്ടായതുകൊണ്ടുമാത്രം വയറ്റിലെ ക്യാന്സറാണെന്ന് കരുതേണ്ടതില്ല. മറ്റ് പല രോഗങ്ങളും ഇത്തരം പ്രശ്നങ്ങള്ക്ക് കാരണമാകാം.
എന്നാല് ലക്ഷണങ്ങള് തുടര്ച്ചയായി നിലനില്ക്കുമ്പോള് പരിശോധനയിലൂടെ കാരണം കണ്ടെത്തേണ്ടത് പ്രധാനമാണ്.






