കൊല്ലം: കൊല്ലം കൊട്ടാരക്കര നെല്ലിക്കുന്നത്ത് സ്വകാര്യബസുകള്‍ കൂട്ടിയിടിച്ച്‌ അപകടം.
ബസ് ഡ്രൈവർമാർക്കും നിരവധി യാത്രക്കാർക്കും പരിക്കേറ്റു.
അപകടത്തിന്റെ സിസിടിവി ദൃശ്യങ്ങള്‍ പുറത്തുവന്നിട്ടുണ്ട്. ബസുകള്‍ നേർക്കുനേർ കൂട്ടിയിടിക്കുകയായിരുന്നു.
വേഗത കുറവായതിനാല്‍ വൻ അപകടം ഒഴിവായി. കൊട്ടാരക്കര നെല്ലിക്കുന്നത്താണ് അപകടം.
ബസില്‍ നിറയെ യാത്രക്കാർ ഉണ്ടായിരുന്നു. പരിക്കേറ്റവരെ കൊട്ടാരക്കര താലൂക്ക് ആശുപത്രിയില്‍ പ്രവേശിപ്പിച്ചു.
ഇവരില്‍ 3 പേരെ മെഡിക്കല്‍ കോളേജ് ആശുപത്രിയിലേക്ക് മാറ്റിയിട്ടുണ്ട്. ഒരു ബസിന്റെ ഡ്രൈവർക്ക് ദേഹാസ്വാസ്ഥ്യമുണ്ടായതാണ് അപകടത്തിന് കാരണമെന്ന് പൊലീസ് പറയുന്നു.
