കാസർകോട്: നെല്ലിക്കുന്ന് കടപ്പുറത്ത് തലയില്ലാത്ത മൃതദേഹം കരയ്ക്കടിഞ്ഞു. പുരുഷ മൃതദേഹമാണ് കരയ്ക്കടിഞ്ഞത്.
മൃതദേഹത്തിന് ഒരു മാസത്തിലധികം പഴക്കമുണ്ടെന്നാണ് വിവരം. മത്സ്യത്തൊഴിലാളികളാണ് മൃതദേഹം ആദ്യം കണ്ടത്.
തല വേർപ്പെട്ട നിലയിലാണ്. കാലിലെ മാംസഭാഗങ്ങളും വേർപ്പെട്ട് അസ്ഥികള് പുറത്തേക്ക് തള്ളി. തല വേർപ്പെട്ടതില് ദൂരുഹതയുണ്ടെന്നാണ് നിഗമനം.
മുങ്ങിമരണമാണെങ്കില് തല മാത്രം മൃതദേഹത്തില് നിന്ന് വേർപ്പെട്ട് പോകാൻ സാദ്ധ്യതയില്ല. സംഭവത്തില് ബേക്കല് കോസ്റ്റല് പൊലീസ് അന്വേഷണം ആരംഭിച്ചിട്ടുണ്ട്.
