തിരുവനന്തപുരം: തിരുവനന്തപുരം കോർപ്പറേഷൻ ബിജെപി കൗണ്സിലർ ആർ സുഗതന് ജാമ്യം അനുവദിച്ച് കോടതി. നെടുമങ്ങാട് സെക്കൻഡ് ക്ലാസ് മജിസ്ട്രറ്റ് 2 ആണ് ജാമ്യം അനുവദിച്ചത്.
വട്ടിയൂർക്കാവ് പൊലീസ് സ്റ്റേഷനിലെ രണ്ട് കേസുകള്ക്കാണ് ജാമ്യം അനുവദിച്ചത്. കാപ്പയുള്ളതിനാല് സുഗതന് ജയില് മോചിതനാകാൻ കഴിയില്ല. നേരത്തെ, കാപ്പ കേസില് തടവിലുള്ള സുഗതൻ വിയ്യൂർ ജയിലില് വെച്ച് സത്യപ്രതിജ്ഞ ചെയ്തിരുന്നു. ജനാധിപത്യത്തെ സംരക്ഷിക്കുകയെന്നത് കോടതിയുടെ കടമയാണെന്ന് കോടതി വ്യക്തമാക്കിയതിന് പിന്നാലെയാണ് സുഗതൻ ജയിലില് സത്യപ്രതിജ്ഞ ചെയ്തത്. ജനാധിപത്യത്തില് ജനകീയ കല്പ്പന മാനിക്കപ്പെടണം.
അസാധാരണ സാഹചര്യങ്ങളില് അസാധാരണ തീരുമാനം കോടതിയ്ക്കെടുക്കാം. ജനവിധി മാനിക്കാനാണ് അത്തരം അസാധാരണ തീരുമാനമെന്നും ഉത്തരവില് പറയുന്നു. കേരള രാഷ്ട്രീയത്തിന്റെ ചരിത്രത്തില് ആദ്യമായാണ് ജനപ്രതിനിധി ജയിലില് സത്യപ്രതിജ്ഞ ചെയ്യുന്നത്. ചട്ടവിരുദ്ധമായി പല ദൈവങ്ങളുടെ പേരില് പ്രതിജ്ഞ ചെയ്തതിന് ഹൈക്കോടതി സത്യപ്രതിജ്ഞ അസാധുവാക്കിയവരില് ഒരാളാണ് വാർഡ് 20 ലെ കൗണ്സിലറായ സുഗതൻ. കഴിഞ്ഞ ജൂണ് 9 മുതല് കാപ്പ ചുമതി നാടുകടത്തപ്പെട്ട സുഗതൻ നിലവില് വിയ്യൂർ സെൻട്രല് ജയിലിലാണ്.
