കൊല്ലം: ഗതാഗതനിയമാവബോധം കുട്ടികളില് വളർത്തുംവിധമുള്ള പദ്ധതികള്ക്ക് പ്രാധാന്യം നല്കുമെന്ന് ക്ഷീരവികസന-മൃഗസംരക്ഷണ, വനിതാ-ശിശുവികസന വകുപ്പ് മന്ത്രി ബിന്ദു കൃഷ്ണ.
ജില്ലാ ശിശുക്ഷേമ സമിതി കുട്ടികളുടെ ഹെല്മെറ്റ് ഉപയോഗം പ്രോത്സാഹിപ്പിക്കുന്നതിന് ടൗണ് യു. പി. സ്കൂളില് സംഘടിപ്പിച്ച ബോധവല്ക്കരണ ക്യാമ്പയിനിന്റെ ജില്ലാതല ഉദ്ഘാടനം നിർവഹിക്കുകയായിരുന്നു മന്ത്രി.
ഗതാഗത നിയമപാലനം ചെറുപ്രായത്തിലേ ശീലിക്കണം. ഹെല്മെറ്റ് ഉള്പ്പടെയുള്ള സുരക്ഷാമുൻകരുതലുകള് ഉറപ്പാക്കുകയുംവേണം. നിരത്തുകളില് അപകടങ്ങള് പരമാവധി കുറയ്ക്കുന്നതിന് എല്ലാവരും മുൻകൈയെടുക്കണം. പുതിയ ഗതാഗതസംസ്ക്കാരം രൂപപെടുത്തേണ്ടതുണ്ട്. ഇത്തരം മാറ്റങ്ങളുടെ പ്രചാരകരായിമാറാൻ വിദ്യാർഥികള് മുന്നോട്ടുവരണമെന്നും മന്ത്രി കൂട്ടിച്ചേർത്തു.
