കൊച്ചി: അനുവാദമില്ലാതെ ശരീരത്തില്‍ സ്പർശിക്കുകയും അപമര്യാദയായി പെരുമാറുകയും ചെയ്തെന്നാരോപിച്ച്‌ നടൻ ബാലു വർഗീസിനെതിരെ നിയമനടപടിയുമായി യുവതി.
സംഭവത്തില്‍ ഖേദം പ്രകടിപ്പിച്ച്‌ മാപ്പപേക്ഷ നല്‍കണമെന്നും ഭാവിയില്‍ ഇത്തരം പെരുമാറ്റം ആവർത്തിക്കില്ലെന്ന് രേഖാമൂലം ഉറപ്പുനല്‍കണമെന്നും ആവശ്യപ്പെട്ട് യുവതി വക്കീല്‍ നോട്ടീസ് അയച്ചു.
നീന്തല്‍ക്കുളത്തില്‍വെച്ച്‌ ബാലു ബലമായി ശരീരത്തില്‍ സ്പർശിച്ചെന്നാണ് യുവതിയുടെ ആരോപണം.
സംഭവത്തിനു പിന്നാലെ തന്നെ ഇതിനെ ചോദ്യം ചെയ്തപ്പോള്‍ അബദ്ധത്തില്‍ സംഭവിച്ചതാണെന്നായിരുന്നു ബാലുവിന്റെ വിശദീകരണമെന്നാണ് യുവതി പറയുന്നത്. ഇത് അബദ്ധത്തില്‍ സംഭവിച്ചതാണെന്ന് വിശ്വസിക്കുന്നില്ലെന്നും പരാതിക്കാരി വ്യക്തമാക്കി.
