ചെന്നൈ: തമിഴ്നാട്ടിൽ ഓട്ടോറിക്ഷ യാത്രാ നിരക്ക് പരിഷ്കരിച്ചു.
മിനിമം ചാർജ് 50 രൂപയാക്കി വർധിപ്പിച്ചു. ആദ്യ 1.8 കിലോമീറ്റർ ദൂരമാണ് മിനിമം ചാർജിൻ്റെ പരിധിയിൽ വരിക.
തുടർന്നുള്ള ഓരോ കിലോമീറ്ററിനും 25 രൂപ വീതമാണ് അധിക നിരക്ക്.
ചുരം പാതയിലും രാത്രിയിലുമുള്ള യാത്രകൾക്കും നിരക്കിൽ വ്യത്യാസമുണ്ട്.
സംസ്ഥാനത്ത് 2013ന് ശേഷം ആദ്യമായാണ് ഓട്ടോക്കൂലി വർധിപ്പിക്കുന്നത്.
സംസ്ഥാനത്തെ ഓട്ടോറിക്ഷ ഡ്രൈവർമാരുടെ നിരന്തരമായ ആവശ്യങ്ങൾക്കൊടുവിലാണ് നിരക്ക് വർധിപ്പിക്കാൻ സർക്കാർ തയ്യാറായത്.
ദീപാവലിക്ക് മുമ്പ് തന്നെ നിരക്ക് വർധിപ്പിക്കുമെന്ന് ഗതാഗത വകുപ്പ് മന്ത്രി വിജയ് തമിഴൻ പാർത്ഥിപൻ ഡ്രൈവർമാർക്ക് ഉറപ്പുനൽകിയിരുന്നു.
പുതിയ നിരക്ക് പ്രകാരം, ആദ്യ 1.8 കിലോമീറ്ററിന് 50 രൂപയാണ് മിനിമം ചാർജ്.
പിന്നീടുള്ള ഓരോ കിലോമീറ്ററിനും 25 രൂപ വീതമാണ് ആണ് നിരക്ക്.
ചുരം പാതയിൽ 60 രൂപയാണ് മിനിമം ചാർജ്. പിന്നീടുള്ള ഓരോ കിലോമീറ്ററിനും 30 രൂപ വീതമാണ് നിരക്ക്.
വെയിറ്റിങ് ചാർജ് മിനിറ്റിന് ഒരു രൂപയായി നിശ്ചയിച്ചു.
രാത്രി 10 മണിമുതൽ രാവിലെ അഞ്ചുമണിവരെയുള്ള യാത്രകൾക്ക് സാധാരണയേക്കാൾ ഒന്നര മടങ്ങ് വരെ നിരക്ക് വർധിക്കും.
