അതിരമ്പുഴ:"നിങ്ങൾ അറിവ് വളർത്തുന്നു, ഞങ്ങൾ ഈ ചെടി വളർത്താം" എന്ന സന്ദേശമുയർത്തി അതിരമ്പുഴ സെന്റ് മേരീസ് ഗേൾസ് ഹൈസ്കൂളിൽ വേറിട്ട അധ്യാപക ദിനാഘോഷം.
സ്കൂളിലെ എസ്.പി.സി. യൂണിറ്റിന്റെ നേതൃത്വത്തിലാണ് വ്യത്യസ്തമായ പരിപാടി സംഘടിപ്പിച്ചത്. ഓരോ വിദ്യാർത്ഥിയും താൻ നട്ടുവളർത്തിയ ചെടിച്ചട്ടിയുമായാണ് അധ്യാപകരെ സമീപിച്ചത്. ചെടികൾ അധ്യാപകർക്ക് സമ്മാനമായി കൈമാറി ആദരവ് പ്രകടിപ്പിച്ചു.
അറിവും മൂല്യങ്ങളും നൽകി വിദ്യാർത്ഥികളെ വളർത്തുന്ന അധ്യാപകരോടുള്ള സ്നേഹവും ബഹുമാനവും പ്രകൃതി സംരക്ഷണ സന്ദേശവുമായി ചേർത്തിണക്കിയ പരിപാടി അധ്യാപകർക്കും വിദ്യാർത്ഥികൾക്കും ഒരുപോലെ ഹൃദയസ്പർശിയായി.
