നിസ്ഷിൻ: ഏഷ്യൻ ഗെയിംസ് പുരുഷ ക്രിക്കറ്റ് ഫൈനലില്‍ പാകിസ്ഥാനെ 19 റണ്‍സിന് പരാജയപ്പെടുത്തി ഇന്ത്യ സ്വർണമെഡല്‍ നിലനിർത്തി.
കൊറോഗി സ്പോർട്സ് പാർക്കില്‍ നടന്ന ആവേശകരമായ പോരാട്ടത്തില്‍ ആദ്യം ബാറ്റ് ചെയ്ത ഇന്ത്യ 20 ഓവറില്‍ ആറ് വിക്കറ്റ് നഷ്ടത്തില്‍ 211 റണ്‍സാണ് നേടിയത്. മറുപടി ബാറ്റിംഗില്‍ പാകിസ്ഥാന് 20 ഓവറില്‍ ആറ് വിക്കറ്റ് നഷ്ടത്തില്‍ 192 റണ്‍സെടുക്കാനേ കഴിഞ്ഞുള്ളൂ.
ടോസ് നേടിയ ഇന്ത്യ ബാറ്റിംഗ് തിരഞ്ഞെടുക്കുകയായിരുന്നു. 20 പന്തില്‍ നിന്ന് ഓപ്പണർ അഭിഷേക് ശർമ നേടിയ തകർപ്പൻ അർദ്ധസെഞ്ച്വറി ഇന്ത്യയുടെ ഇന്നിംഗ്സിന് മികച്ച തുടക്കം നല്‍കി.
28 പന്തില്‍ 61 റണ്‍സ് നേടിയാണ് അഭിഷേക് പുറത്തായത്. തുടർന്ന് തിലക് വർമയുടെ വെടിക്കെട്ട് ബാറ്റിംഗിലൂടെ ഇന്ത്യ 200 കടന്നു.
22 പന്തില്‍ പുറത്താകാതെ 51 റണ്‍സാണ് തിലക് നേടിയത്. ശിവം ദുബെ 14 പന്തില്‍ നിന്നും 27 റണ്‍സും നേടി.
