കുമരകം: ശ്രീകുമാരമംഗലം പബ്ലിക് സ്കൂൾ സീനിയർ സെക്കൻഡറിയിൽ ഗാന്ധിജയന്തി വിവിധ പരിപാടികളോടെ ആചരിച്ചു.
സ്കൂൾ അസംബ്ലിയിൽ വിദ്യാർത്ഥികൾ ‘രഘുപതി രാഘവ രാജാറാം’ എന്ന ഗാനം ആലപിച്ചു. ആറാം ക്ലാസ് വിദ്യാർത്ഥിനി അളകനന്ദ കെ രാജേഷ് പ്രസംഗിച്ചു. ഗാന്ധിജിയും സ്വാതന്ത്ര്യ സമരവും എന്ന വിഷയത്തെ അടിസ്ഥാനമാക്കി ക്വിസ് മത്സരവും സംഘടിപ്പിച്ചു
മഹാത്മാഗാന്ധിയുടെ ദണ്ഡിയാത്രയുടെ ഹ്രസ്വ ദൃശ്യാവിഷ്കാരം വിദ്യാർത്ഥികൾ അവതരിപ്പിച്ചു. ഏഴാം ക്ലാസ് വിദ്യാർത്ഥി അനുഗ്രഹ് മുകേഷ് ഗാന്ധിജിയായി വേഷമണിഞ്ഞു.
പരിപാടികൾക്ക് ശേഷം വിദ്യാർത്ഥികൾ അധ്യാപകരുടെ നേതൃത്വത്തിൽ വിദ്യാലയ പരിസരം ശുചീകരിച്ച് ശുചിത്വസന്ദേശം പകർന്നു.
