കൊച്ചി : പൊലീസ് വ്യാപക പരിശോധന നടത്തുന്നതിനിടെ വീണ്ടും വീഡിയോ സന്ദേശവുമായി അര്ജുന് ആയങ്കി. തനിക്കെതിരെ കള്ളക്കേസ് ചുമത്തുന്നുവെന്ന് പറഞ്ഞുകൊണ്ടാണ് അര്ജുന് ആയങ്കി വീഡിയോ സന്ദേശം പങ്കുവെച്ചിരിക്കുന്നത്. വെടിവെയ്ക്കുമെന്ന് വാര്ത്ത കൊടുത്താല് താന് കീഴടങ്ങുമെന്നാണ് അവര് കരുതിയിരിക്കുന്നതെന്ന് അര്ജുന് വീഡിയോയില് പറയുന്നുണ്ട്.
താൻ ആഭ്യന്തര മന്ത്രിയെ വെല്ലുവിളിച്ചതായാണ് പറയുന്നത്. തനിക്കെതിരെ എടുത്ത കള്ളക്കേസ് പുനരന്വേഷിക്കാനാണ് താൻ ആവശ്യപ്പെട്ടത്. അതെങ്ങനെ വെല്ലുവിളിയാകുമെന്ന് അര്ജുന് ആയങ്കി ചോദിക്കുന്നു. ഒരു മനുഷ്യന് പറയുന്നതായി കണ്ടാല് മതി. പാര്ട്ടിയൊക്കെ രണ്ടാമതാണെന്നും അര്ജുന് ആയങ്കി വീഡിയോയിൽ വ്യക്തമാക്കുന്നുണ്ട്.
ഒരാള്ക്ക് പുതിയൊരു മനുഷ്യനായി ജീവിക്കാന് ഈ നാട്ടില് അവകാശമില്ലേ?. മരിക്കുന്നതുവരെ ക്രിമിനലായിരിക്കണം എന്നാണോ?. ക്രിമിനലാക്കി കൊല്ലണം എന്നതാണോ കേരള പൊലീസിന്റെ ഉദ്ദേശം എന്ന് ചോദിക്കുന്ന അർജുൻ നിരപരാധികള് വേട്ടയാടപ്പെടുമ്പോള് ഉണ്ടാകുന്ന വികാരത്തിന് പക്വതയുണ്ടാകില്ലെന്നും വീഡിയോയിൽ പറയുന്നുണ്ട്.
