കണ്ണൂർ : അര്ജുന് ആയങ്കിക്കെതിരെ കാപ്പ ചുമത്തുന്നതിനായി പൊലീസ് കേസ് ഹിസ്റ്ററി റിപ്പോര്ട്ട് കണ്ണൂര് ജില്ലാ കളക്ടര്ക്ക് കൈമാറി. വളപട്ടണം എസ്എച്ച്ഓ തയാറാക്കിയ റിപ്പോര്ട്ട് സിറ്റി പൊലീസ് കമ്മീഷണറാണ് കൈമാറിയത്.
വിവിധ സ്റ്റേഷനുകളിലായി 23 കേസുകളുള്ള അര്ജുന് ആയങ്കിയെ കുറിച്ചുള്ള വിശദമായ റിപ്പോര്ട്ടാണ് കൈമാറിയിരിക്കുന്നത്. കളക്ടറാണ് കാപ്പ ചുമത്തുന്ന കാര്യത്തില് അന്തിമ തീരുമാനമെടുക്കേണ്ടത്. കളക്ടറുടെ തീരുമാനം ആഭ്യന്തര സെക്രട്ടറിയുടെ നേതൃത്വത്തിലുള്ള റിവ്യൂ കമ്മറ്റി അംഗീകരിക്കേണ്ടതുണ്ട്.
നിലവിൽ സമൂഹ മാധ്യമങ്ങളിലൂടെ പോലീസ് ഉദ്യോഗസ്ഥരെയും ആഭ്യന്തര മന്ത്രിയെയും വെല്ലുവിളിച്ച കേസിൽ റിമാൻഡിൽ കഴിയുകയാണ് അർജുൻ ആയങ്കി.
