കൊച്ചി: ട്രാൻസാഗ അക്കാദമി ഓഫ് ക്രിയേറ്റീവ് ആർട്സിന്റെ വൺ-ഇയർ ഡിപ്ലോമ ഇൻ ഫിലിം ഡയറക്ഷൻ, വൺ-ഇയർ ഡിപ്ലോമ ഇൻ സിനിമാറ്റോഗ്രഫി കോഴ്സുകളിലേക്കുള്ള പ്രവേശന പരീക്ഷ ‘ടി-കേറ്റ്’ (T-CATE) ഓഗസ്റ്റ് 22ന് നടക്കും.
ആർട്ടിഫിഷ്യൽ ഇന്റലിജൻസിന്റെ സാധ്യതകൾക്കൊപ്പം വിദ്യാർത്ഥികളുടെ തനതായ സർഗ്ഗാത്മക ശബ്ദത്തിന് പ്രാധാന്യം നൽകിയാണ് അക്കാദമി പരിശീലനം ഒരുക്കുന്നത്. തിയറിയും പ്രായോഗിക പരിശീലനവും സമന്വയിപ്പിച്ചുള്ള ഇൻഡസ്ട്രി നിലവാരത്തിലുള്ള പഠനത്തിലൂടെ വിദ്യാർത്ഥികളെ പ്രൊഫഷണലുകളാക്കി മാറ്റുകയാണ് ലക്ഷ്യം.
അപേക്ഷകരുടെ സർഗ്ഗാത്മകത, കലാപരമായ അഭിരുചി, പഠനനിലവാരം, സംഘമായി പ്രവർത്തിക്കാനുള്ള കഴിവ് എന്നിവ വിലയിരുത്തിയാണ് പ്രവേശനം നൽകുക.
ഓഗസ്റ്റ് 22ന് രാവിലെ 11നാണ് എഴുത്തുപരീക്ഷ. ഉച്ചയ്ക്ക് 1.30 മുതൽ വ്യക്തിഗത അഭിമുഖവും നടക്കും. പത്തടിപ്പാലം, ഇടപ്പള്ളിയിലെ ട്രാൻസാഗ അക്കാദമി ഓഫ് ക്രിയേറ്റീവ് ആർട്സാണ് പരീക്ഷാ വേദി.
എഴുത്തുപരീക്ഷയിലും അഭിമുഖത്തിലും മികച്ച പ്രകടനം കാഴ്ചവെക്കുന്ന വിദ്യാർത്ഥികൾക്ക് കോഴ്സ് ഫീസിൽ ഇളവ് ലഭിക്കുന്ന പ്രത്യേക സ്കോളർഷിപ്പുകളും ഏർപ്പെടുത്തിയിട്ടുണ്ട്.
രജിസ്ട്രേഷനും കൂടുതൽ വിവരങ്ങൾക്കും: 7012980642
