തിരുവനന്തപുരം: ഇന്ത്യൻ ഒളിംമ്പിക്സ് അസോസിയേഷൻ തെരഞ്ഞെടുപ്പിലെ ആരോപണത്തില്‍ പി.ടി ഉഷക്ക് മറുപടിയുമായി അഞ്ചു ബോബിജോർജ്.
തെരഞ്ഞെടുപ്പ് ഫലം അംഗീകരിക്കണമെന്നും ആരൊക്കെ വോട്ട് ചെയ്തതെന്ന് അറിയില്ലെന്നും മുൻകൂട്ടി എങ്ങനെ അറിയാൻ കഴിയുമെന്നുമാണ് പി.ടി ഉഷയ്ക്കുള്ള അഞ്ജു ബോബി ജോർജിന്റെ മറുപടി.
തെരഞ്ഞെടുപ്പിലെ കൃത്രിമത്വം ചൂണ്ടിക്കാട്ടി ബിജെപി രാജ്യസഭാംഗം കൂടിയായ പി.ടി ഉഷ അന്താരാഷ്ട്ര ഒളിംമ്പിക്സ് കമ്മിറ്റിക്ക് കത്തയച്ചിരുന്നു.
ഐഒഎ അധ്യക്ഷ പദവിയിലുള്ള താൻ പുറത്തായതില്‍ കേന്ദ്ര പിന്തുണയുണ്ടെന്ന സംശയത്തിലാണ് പി. ടി ഉഷ.
തെരഞ്ഞെടുപ്പ് ഫലം വന്നതിന് ശേഷം ക്രമക്കേടുകള്‍ ചൂണ്ടിക്കാട്ടി അന്താരാഷ്ട്ര ഒളിമ്പിക് കമ്മിറ്റിക്ക് പി.ടി ഉഷ കത്തയച്ചിരുന്നു. ഒരു പ്രത്യേക പാനലിന്റെ വിജയത്തിനായി ഐഒഎ ഭാരവാഹികള്‍ സംഘടിതമായി പ്രവർത്തിച്ചെന്നാണ് കത്തിലെ പ്രധാന ആരോപണം.
തെരഞ്ഞെടുപ്പില്‍ തന്നെ തോല്‍പ്പിക്കാൻ ബോധപൂർവമായ നീക്കങ്ങള്‍ നടന്നതായും പി.ടി ഉഷ ആരോപിച്ചിരുന്നു.
