തിരുവനന്തപുരം: യുഡിഎഫിനെതിരെ അതൃപ്തി പ്രകടിപ്പിച്ച്‌ എംപിയും കണ്‍വീനറുമായ അടൂർ പ്രകാശ്. തദ്ദേശ ഉപതിരഞ്ഞെടുപ്പില്‍ പ്രതീക്ഷിച്ച ചില സ്ഥലങ്ങളില്‍ നേട്ടങ്ങള്‍ ഉണ്ടാക്കിയെടുക്കാൻ കഴിയാതെ പോയെങ്കിലും, വലിയ പരിക്കില്ലാതെ 18 സീറ്റുകള്‍ യു.ഡി.എഫ്.
നേടിയെടുത്തുവെന്ന് അദ്ദേഹം പറഞ്ഞു. യുഡിഎഫിന്റെ യോഗം അടുത്തകാലത്തൊന്നും നടന്നിട്ടില്ല. മുഖ്യമന്ത്രിയാണ് അതിന് മുൻകൈ എടുക്കേണ്ടത്. അദ്ദേഹം കാര്യങ്ങള്‍ തീരുമാനിക്കാത്തതുകൊണ്ട് യോഗം കൂടാൻ സാധിച്ചിട്ടില്ല. പല കാര്യങ്ങളും ചർച്ച ചെയ്ത് തീരുമാനമെടുക്കേണ്ടതുണ്ട്. പല വിഷയങ്ങളിലും അഭിപ്രായഭിന്നതകള്‍ ഉണ്ടാകുമ്പോള്‍ നേതൃത്വത്തെ അറിയിക്കുകയാണ് ചെയ്യാറുള്ളത്. എ.ഐ.സി.സിയാണ് എന്നെ ചുമതല ഏല്‍പ്പിച്ചതെന്നും അദ്ദേഹം പറഞ്ഞു.
അതൃപ്തിയെ കുറിച്ച്‌ അറിയിക്കേണ്ടിടത്ത് അറിയിക്കും. ഉപതെരഞ്ഞെടുപ്പില്‍ ഏകോപന കുറവുണ്ടായി. സ്റ്റേറ്റ് കമ്മിറ്റി വിളിച്ചു കൂട്ടേണ്ടത് യുഡിഎഫ് കണ്‍വീനറുടെ ചുമതലയാണ്. പക്ഷേ ചെയർമാന്റെ അനുമതിയോടെയാണ് ചെയ്യുക. ഇത്തരം കാര്യങ്ങള്‍ മുഖ്യമന്ത്രിയുടെ ചെവിയില്‍ പോയി ഓതേണ്ട കാര്യമില്ല. എത്രയും വേഗം ഇതിന് പരിഹാരം ഉണ്ടാക്കണം. അർഹതപ്പെട്ട ആളുകള്‍ക്ക് സ്ഥാനം കിട്ടേണ്ടതുണ്ട്. തന്നെ അവഗണിക്കുന്നുണ്ടോ എന്നത് മാധ്യമങ്ങള്‍ വിലയിരുത്തട്ടെയെന്നും മുനീറിന്റെ പദവി അർഹതപ്പെട്ട ആളുകള്‍ തന്നെയാണെന്നും അർഹതപ്പെടാത്ത ആർക്കും നല്‍കിയെന്ന് താൻ പറയുന്നില്ലെന്നും അദ്ദേഹം വ്യക്തമാക്കി
യുഡിഎഫിനെക്കുറിച്ചുള്ള ചോദ്യങ്ങള്‍ക്ക് കൃത്യമായി മറുപടി പറയാൻ പറ്റാത്ത സ്ഥിതിയുണ്ട്. അതില്‍ ഖേദമുണ്ട്. ഒരു ചർച്ചയോ ആലോചനയോ ഇല്ലാതെയാണ് പല കാര്യങ്ങളും ഇവിടെ നടക്കുന്നത്. ഇതിലുള്ള അതൃപ്തി പരസ്യമായി വ്യക്തമാക്കുന്നുവെന്നും അദ്ദേഹം വ്യക്തമാക്കി. ക്യാബിനറ്റ് പദവി നല്‍കിയത് അർഹതയുള്ള ആളുകള്‍ക്കാണ്. എന്നാല്‍ മുന്നണി കണ്‍വീനർ എന്ന നിലയില്‍ ഇതുമായി ബന്ധപ്പെട്ട യാതൊരു ചർച്ചയും എന്നെ അറിയിച്ചിട്ടില്ല. കണ്‍വീനറെ കാര്യങ്ങളൊന്നും അറിയിച്ചിട്ടില്ല എന്നത് മുഖ്യമന്ത്രിയെ കുറ്റപ്പെടുത്താൻ പറഞ്ഞതല്ല. എന്നാലും യുഡിഎഫ് കണ്‍വീനർ എന്ന നിലയില്‍ വിവരങ്ങളൊന്നും അറിഞ്ഞിട്ടില്ലെന്ന അതൃപ്തി എഐസിസിയെ അറിയിക്കുമെന്നും അദ്ദേഹം വ്യക്തമാക്കി.
ഗ്യാനേഷ് കുമാറിനെതിരെയുള്ള പോരാട്ടം നടക്കുന്ന സാഹചര്യത്തില്‍ എന്തിനാണ് എസ്‌എഫ്‌ഐ യുഡിഎഫിനെതിരെ തിരിയുന്നത്? എസ്‌എഫ്‌ഐയുടെ ധാർമികതയില്‍ കോട്ടങ്ങള്‍ സംഭവിച്ചിട്ടുണ്ടോ എന്ന് അവർ വിലയിരുത്തണം. ഗ്യാനേഷ് കുമാറിനെതിരെയുള്ള സമരത്തില്‍ എന്തിനാണ് യുഡിഎഫിനെ എതിർക്കുന്നത് എന്നതിന് എല്‍ഡിഎഫ് മറുപടി പറയണമെന്നും അദ്ദേഹം വ്യക്തമാക്കി. എസ്‌എഫ്‌ഐ ബിജെപിയുമായി ചേർന്നുള്ള ഒത്തുുകളികളാണ് കേരളത്തില്‍ നടത്തിക്കൊണ്ടിരിക്കുന്നത്. ജനാധിപത്യ വ്യവസ്ഥിതിയെ തകർക്കുന്ന പ്രവർത്തികള്‍ ഗ്യാനേഷ് കുമാറിന്റെ ഭാഗത്തുനിന്ന് ഉണ്ടായിട്ടുണ്ട്. അദ്ദേഹത്തിനുവേണ്ടിയാണോ എസ്.എഫ്.ഐ. ഇറങ്ങിത്തിരിച്ചിരിക്കുന്നതെന്നും അട
