തിരുവനന്തപുരം: യൂത്ത് കോണ്ഗ്രസ് പ്രവർത്തകരെ മർദിച്ച കേസില് എഡിജിപി അജിത്കുമാറിനുള്ള സർക്കാർ സംരക്ഷണം തുടരുന്നതില് കോണ്ഗ്രസ് യുവജന സംഘടനകള്ക്കുള്ളില് നിന്നും വലിയ വിമർശനമാണ് ഉയരുന്നത്. ആഭ്യന്തര മന്ത്രി രമേശ് ചെന്നിത്തല നിസംഗത തുടരുകയാണെന്നാണ് വിമർശനം.
യൂത്ത് കോണ്ഗ്രസ് പ്രവർത്തകരെ മുൻ മുഖ്യമന്ത്രിയുടെ ഗണ്മാൻ തല്ലിച്ചതച്ച സംഭവത്തിലെ അന്വേഷണം പൂർത്തിയായിട്ടില്ലെന്നാണ് ആഭ്യന്തര മന്ത്രി രമേശ് ചെന്നിത്തലയുടെ പ്രതികരണം. എംആർ അജിത് കുമാറാണ് കേസ് അട്ടിമറിച്ചതെന്ന് റിപ്പോർട്ട് സർക്കാരിന് ലഭിച്ചിട്ടില്ലെന്നും പറഞ്ഞ് ചെന്നിത്തല കയ്യൊഴിയുന്നു.
