ഡല്‍ഹി: മാസപ്പടി-എക്സാലോജിക് കേസില്‍ മുഖ്യമന്ത്രി പിണറായി വിജയന് ക്ലീൻ ചീറ്റ് ലഭിച്ചു എന്ന തരത്തിലുള്ള ചില മലയാള മാധ്യമങ്ങളുടെ വാർത്തകളും വ്യാഖ്യാനങ്ങളും തള്ളി ബിജെപി ദേശീയ സെക്രട്ടറി കെ. സുരേന്ദ്രൻ. പിണറായി വിജയനും മകള്‍ വീണാ വിജയനും മന്ത്രി മുഹമ്മദ് റിയാസിനും എതിരെ രജിസ്റ്റർ ചെയ്ത എഫ്‌ഐആർ റദ്ദാക്കാൻ സുപ്രീം കോടതി തയ്യാറായിട്ടില്ലെന്ന് അദ്ദേഹം വ്യക്തമാക്കി.
മറിച്ച്‌, എഫ്‌ഐആർ രജിസ്റ്റർ ചെയ്യാൻ നിർദേശിച്ച കേരള ഹൈക്കോടതി സിംഗിള്‍ ബെഞ്ചിന്റെ ഉത്തരവിനെ ചോദ്യം ചെയ്ത് ഡിവിഷൻ ബെഞ്ചിനെ സമീപിക്കാൻ പ്രതികള്‍ക്ക് അവസരം നല്‍കുകയാണ് കോടതി ചെയ്തതെന്ന് കെ. സുരേന്ദ്രൻ ചൂണ്ടിക്കാട്ടി.
