തിരുവനന്തപുരം : തമിഴ്നാട് മാര്ത്താണ്ഡത്ത് വാഹനാപകടത്തില് രണ്ട് മലയാളികള്ക്ക് ദാരുണാന്ത്യം. കാഞ്ഞിരംകുളം സ്വദേശി ശ്രീകുമാര്, കാട്ടാക്കട സ്വദേശി സജികുമാര് എന്നിവരാണ് മരിച്ചത്.
ഇരുവരും സഞ്ചരിച്ചിരുന്ന ബൈക്കിന് പിന്നില് അമിതവേഗതയില് എത്തിയ ടെമ്പോ വാന് ഇടിക്കുകയായിരുന്നു. സംഭവത്തിന്റെ സിസിടിവി ദൃശ്യങ്ങള് പുറത്തുവന്നു. അപകടത്തിന് പിന്നാലെ ഇരുവരും വാനിന്റെ അടിയില്പ്പെട്ടു പോകുകയായിരുന്നു.
തുടർന്ന് കുഴിത്തുറ അഗ്നിരക്ഷാ സേന എത്തിയാണ് ഇവരെ പുറത്തെത്തിച്ചത്. ശ്രീകുമാര് സംഭവസ്ഥലത്ത് തന്നെ മരിച്ചു. ആശുപത്രിയിലേക്ക് കൊണ്ട് പോകും വഴിയാണ് സജികുമാര് മരിച്ചത്. സംഭവത്തില് കളിയിക്കാവിള പൊലീസ് കേസെടുത്തു.
