കോട്ടയം: കോട്ടയം ജില്ലയില് പെയ്തത് അതിതീവ്ര മഴ. ഹൈഡ്രോളജി സബ് ഡിവിഷന്റെ കണക്കനുസരിച്ച് ജില്ലയില് കനത്ത മഴയാണ് രേഖപ്പെടുത്തി യിരിക്കുന്നത്.
തീക്കോയിയില് ആണ് ഏറ്റവും കൂടുതല് മഴ ലഭിച്ചത്.
കഴിഞ്ഞ 24 മണിക്കൂറിനിടെ തീക്കോയിയില് 277 മി.മീറ്റർ അതിശക്തമായ മഴ പെയ്തിറങ്ങി. കോഴയില് 106.2 മി.മീറ്റർ മഴ രേഖപ്പെടുത്തി. ജില്ലയിലെ ശരാശരി മഴ 191.6 മി.മീറ്ററാണ്.
കനത്ത മഴയെത്തുടർന്ന് മീനച്ചില്, മണിമല ആറുകളില് വലിയ രീതിയില് ജലനിരപ്പ് ഉയർന്നിട്ടുണ്ട്.
ഇന്നു രാവിലെ എട്ടുമണി വരെയുള്ള കണക്ക് അനുസരിച്ച് പാലാ മീനച്ചിലാറില് വെള്ളപ്പൊക്ക മുന്നറിയിപ്പ് നല്കുന്ന അപകട നിലയായ 11.53 മീറ്ററും കടന്ന് ജലനിരപ്പ് 12.419 മീറ്ററില് എത്തി.
മണിമലയാർ സ്റ്റേഷനില് ജലനിരപ്പ് 24.128 മീറ്ററിലെത്തി. അപകട നിലയായ 20.053 മീറ്ററിനേക്കാള് വളരെ മുകളിലാണ് നിലവില് വെള്ളപ്പൊക്ക ഭീഷണി ഉയർത്തുന്ന ഈ നില.
തീക്കോയില് (മീനച്ചിലാർ) വെള്ളപ്പൊക്ക മുന്നറിയിപ്പ് നിരപ്പായ 34.45 മീറ്റർ മറികടന്ന് 34.098 മീറ്ററില് ജലനിരപ്പ് എത്തി നില്ക്കുന്നു.
പേരൂർ (മീനച്ചിലാർ) ജലനിരപ്പ് 4.319 മീറ്ററിലെത്തി വരും മണിക്കൂറുകളില് കൂടുതല് ഉയരുന്ന പ്രവണത കാണിക്കുന്നത്
തീരപ്രദേശങ്ങളിലും നദീതീരങ്ങളിലും താമസിക്കുന്നവർ ജാഗ്രത പാലിക്കണമെന്നും ജലനിരപ്പ് ഇനിയും ഉയരാൻ സാധ്യതയുള്ളതിനാല് അധികൃതരുടെ നിർദേശങ്ങള് പാലിക്കണമെന്നും മുന്നറിയിപ്പുണ്ട്
