എടത്വാ : തിരുവല്ല തുകലശേരിയില് വെച്ചുണ്ടായ ബൈക്കപകടത്തില് ജെസിബി ഓപ്പറേറ്റർക്കും സഹായിക്കും ദാരുണാന്ത്യം. തലവടി ആനപ്രമ്പാല് പറമ്പുങ്കല് അജീഷ് മോഹനൻ (29), ബിഹാർ സ്വദേശി നിയാസ് (28) എന്നിവരാണ് മരിച്ചത്. ഇന്ന് രാവിലെ 7.45 ന് എംസി റോഡില് തിരുവല്ല തുകലശേരിയില് വെച്ചാണ് അപകടം നടന്നത്.
അമിത വേഗതയിലെത്തിയ പിക്കപ്പ് വാൻ മറ്റൊരു വാഹനത്തെ മറികടക്കുന്നതിനിടെയാണ് സ്കൂട്ടറില് ഇടിച്ചത്. അപകടത്തെ തുടർന്ന് തലവടി സ്വദേശി അജീഷിനെ തിരുവല്ല സ്വകാര്യ മെഡിക്കല് കോളജില് എത്തിച്ചെങ്കിലും വഴിമദ്ധ്യേ മരിച്ചു. നിയാസ് കോട്ടയം മെഡിക്കല് കോളേജില് വെച്ചാണ് മരിച്ചത്.
തലവടിയിലെ ഒരു പെട്രോള് പമ്പ് ജീവനക്കാരനായിരുന്ന അജീഷ് വിദേശത്തു പോകാനായി കല്ലിശ്ശേരിയിലെ ജെസിബി ഓപ്പറേറ്ററായി ദിവസ വേതനത്തില് ജോലി ചെയ്തു വരുകയായിരുന്നു. ഇതേ സ്ഥലത്തു ജോലിചെയ്യുന്ന നിയാസും ഒന്നിച്ചായിരുന്നു ദിവസേനയുള്ള യാത്ര.
